မိုဘိုင်းဖုန်းအလွယ်တကူ သုံးစွဲခွင့် ရရှိလာတာကြောင့်  မြန်မာနိုင်ငံတွင်းမှာ ရှိတဲ့ လူထုလူတန်းစား အသီးသီးဟာ အင်တာနက်နဲ့ ဆိုရှယ်နက်ဝေါ့ သုံးစွဲမှုလည်း ပိုမိုမြင့်တက်လာပါတယ်။ ဒါပေမယ့် ဆိုရှယ်နက်ဝေါ့နဲ့ ရင်းနှီးကျွမ်းဝင်မှု မရှိသေးခင် သုံးစွဲသူအချို့ဟာ ဆိုရှယ်နက်ဝေါ့ဆိုင်ရာ နည်းပညာနဲ့ ကျင့်ဝတ်ပိုင်းအပေါ်မှာ သေချာလေးနက် နားလည်ကျွမ်းဝင်မှု အားနည်းနေပါတယ်။ အဲဒါကြောင့် လူအဖွဲ့အစည်းအတွက် မလိုလားအပ်တဲ့ ဆိုးကျိုးတွေ ပြဿနာတွေ ဖြစ်ပေါ်လာပါတယ်။ အောက်မှာ ဖော်ပြထားတဲ့ အချက်အလက်တွေကတော့ ဆိုရှယ်နက်ဝေါ့ကို နည်းမှန်လမ်းမှန် ကျင့်သုံးနိုင်ဖို့ မပြုလုပ်သင့်တဲ့အချက်တွေ ပြုလုပ်သင့်တဲ့ အချက်တွေကို နှိုင်းယှဉ်ဖော်ပြထားတာပါ။

၁။ သင့်ဖေ့ဘုတ်ခ်ကြောင့် အမုန်းမပွားပါစေနှင့်။
၂။ သင့်စတေးတပ်စ်က သင့်ကိုဖော်ပြနေတယ်။
၃။ လွတ်လပ်စွာပြောဆိုခွင့် ရှိပါတယ်… ဒါပေမယ့်။
၎။ ဘယ်လိုဓါတ်ပုံတွေ မတင်သင့်ဘူးလဲ။
၅။ ဆိုရှယ်နက်ဝေါ့ကြောင့် သင့်မှာရန်သူတွေပိုမများပါစေနဲ့။
၆။ လူတိုင်းမှာ သူ့အယူအဆနဲ့သူ။
၇။ ပဋိပကတွေကြားထဲ ၀င်မပါပါနဲ့။
၈။ သင်ဟာကျော်ကြားသူတစ်ယောက်ဆိုရင်သတိထားပါ။
၉။ ဖေ့ဘုတ်ခ်မှာ သာသနာမပြုပါနဲ့။
၁၀။ ကောလဟလတွေကို ဘယ်လိုဆန်းစစ်မလဲ။
၁၁။ ဆိုရှယ်နက်ဝေါ့တွေကြောင့် စိတ်ရောဂါရနိုင်တယ်။
၁၂။ ဆိုရှယ်နက်ဝေါ့ပေါ်က ပြစ်မှုများ။









            ဆိုရှယ်နက်ဝေါ့လို့ ခေါ်တဲ့ လူမှုကွန်ယက်တွေဟာ နည်းပညာခေတ်ရဲ့ ရေပန်းအစားဆုံး ဆက်သွယ်ရေး ပုံသဏ္ဍန် တစ်ခုဖြစ်လာပါတယ်။ လူမှုကွန်ယက်တွေဟာ ပုံစံအမျိုးမျိုးနဲ့ ထွန်းကားခဲ့ပြီး ယနေ့အချိန်မှာတော့ ဖေ့ဘုတ်ခ် ဆိုရှယ်နက်ဝေါ့ဟာ လူသုံးအများဆုံး ဖြစ်လာပြီး လူမျိုးပေါင်းစုံ ဘာသာစကားမျိုးစုံနဲ့ သုံးစွဲနေကြပါတယ်။ လူမှုကွန်ယက်တွေကြောင့် ကောင်းကျိုးတွေ ပေါ်ပေါက်လာသလို ဆိုးကျိုးတွေလည်း ပေါ်ပေါက်လာပါတယ်။ ဒီစာအုပ်လေးကတော့ လူမှုကွန်ယက်တွေနဲ့ ပါက်သက်ပြီး ဆင်ခြင်သင့်တဲ့ အပြုအမှုတွေ ရှောင်ကျဉ်သင့်တဲ့ အချက်အလက်တွေကို အကျဉ်ချုံးဖော်ပြထားတာပါ။ လူအဖွဲ့အစည်းအတွက် တစ်စုံတစ်ရာ အကျိုးရှိမယ်လို့ ယုံကြည်ယူဆမိပါသဖြင့်။

၁။ သင့်ဖေ့ဘုတ်ခ်ကြောင့် အမုန်းမပွားပါစေနှင့်။
            လူတော်တော်များများက ဖေ့ဘုတ်ခ် ဒါမှမဟုတ် ဆိုရှယ်နက်ဝေါ့တွေပေါ်မှာ လူမျိုးရေး၊ ဘာသာရေး၊ နိုင်ငံရေး၊ ဒါမှမဟုတ် တခြားအကြောင်းအရာ တစ်ခုခုပေါ်မှာ အုပ်စုကွဲပြားမှုတွေပေါ် မူတည်ပြီး လူသားအချင်းချင်း အမုန်းပွားဖို့ ၊ ပဋိပကတွေဖြစ်ဖို့၊ အဓိကရုဏ်းတွေပေါ်ပေါက်ဖို့ ရည်ရွယ်ချက်ချက် ရှိရှိဖြစ်စေ၊ ရည်ရွယ်ချက်မရှိပဲနဲ့ ဖြစ်စေ လှုံ့ဆော် ရေးသားပြောဆို၊ ဝေဖန်တိုက်ခိုက် အပုပ်ချ၊ တစ်ဖက်နဲ့ တစ်ဖက် အပြင်းအထန် ပြုလုပ်ကြလေ့ရှိပါတယ်။  အဲဒီလို အွန်လိုင်းပေါ်က လှုံ့ဆောင်မှုတွေကြောင့် မလိုလားအပ်တဲ့ ပြသ၁နာတွေ ဖြစ်ပေါ်ခဲ့ပြီး ထိခိုက်ဆုံးရှုံးရတဲ့ မိသားစုတွေ လူမှုဘ၀တွေ မြေဇာပင်ဖြစ်ခဲ့ရတဲ့ ကလေးငယ်တွေ ပေါ်ပေါက်ခဲ့ဖူးပါတယ်။ သူတို့တွေဟာလည်း သင်နဲ့ထပ်တူ မိသားစုဘ၀၊ ကိုယ်ပိုင်ဘ၀၊ ကိုယ်ပိုင်ယဉ်ကျေးမှုတွေ ရှိနေမယ်ဆိုတာ သင်ကိုယ်ချင်းစာနိုင်မယ် ဆိုရင်။ သူတိုတွေဟာလည်း သင့်လိုပဲ ငြိမ်းငြိမ်းချမ်းချမ်း လုံလုံခြုံခြုံ နေချင်ကြမယ်ဆိုတာ သင်ကိုယ်ချင်းစာနိုင်မယ်ဆိုရင်၊ သမိုင်းကြောင်းတစ်လျှောက် ဖြစ်ပေါ်လာခဲ့တဲ့ အမုန်းပွားမှုတွေ၊ အငြင်းအခုန်တွေကို သင့်ဖေ့ဘုတ်ကနေ ထပ်မံ မီးမတောက် ပါစေနှင့် သင့်ဖေ့ဘုတ်ခ် လူမျိုးရေး ဘာသာရေး အမုန်းပွားမှုတွေကို အစပျိုးခဲ့တယ် အားပေးအားမြှောက် ပြုခဲ့တယ် ဆိုရင် သင်ဟာ  ဥပဒေအရ အရေးယူမခံရလည်း သင်ဟာပြစ်မှုကျူးလွန်သူတစ်ယောက် ရက်စက်ကျမ်းကြုတ်သူတစ်ယောက် ဖြစ်သွားနိုင်ပါတယ်။ အဲဒါကြောင့် သင့်ဖေ့ဘုတ်ခ်ကနေ လူသားအချင်းအချင်း အမုန်းပွားဖို့ မလှုံ့ဆော်မိပါစေနဲ့။

၂။ သင့်စတေးတပ်စ်က သင့်ကိုဖော်ပြနေတယ်။
            ဖေ့ဘုတ်ခ် သုံးစွဲသူတော်တော်များများက စတေးတပ်တွေ တင်ကြပါတယ်။ ဒါဟာ ဖေ့ဘုတ်ခ် သုံးစွဲသူ အချင်းချင်းကြား စွဲဆောင်မှုတစ်ရပ်ဖြစ်ပြီး၊ ဖေ့ဘုတ်ခ်သုံးစွဲရတဲ့ အကြောင်းအရာတွေထဲက တစ်ခုပဲဖြစ်ပါတယ်။ ဒါပေမယ့် အများစုက စတေးတပ်စ်တွေမှာ အစွန်းရောက်သွားတတ်တဲ့ သဘောသဘာဝကို လေ့လာတွေ့ရှိရပါတယ်…။ ကိုယ့်စိတ်ထဲက ခံစားချက်ကို ပွင့်ပွင့်လင်းလင်းဖော်ပြကြတာမျိုး အခြားသူတွေဖတ်နေပေမယ့်လည်း တခြားသူတွေ ကြိုက်မကြိုက် သင့်မသင့် ကိုယ်မစဉ်းမစားမိပဲ ရေးဖြစ်သွားတာမျိုးတွေရှိတတ်ပါတယ်။ အဲဒီအတွက် သင့်ကိုယ်ကို သင်မမြင်စေချင်တဲ့ ပုံစံနဲ့ လူတွေထင်မြင်သွားတာမျိုး ဖြစ်တတ်ပါတယ်။ စတေးတပ်တွေကြောင့် နားလည်မှုလွဲမှားပြီး သင့်ကို အစွန်းရောက်သူ၊ အတကြီးသူ၊ မိုက်မဲသူလို့ ထင်မြင်သွားတတ်ပါတယ်။ ဘာကြောင့်လည်း ဆိုတော့ အများစုက သင့်ရဲ့ တကယ့်အပြုအမူတွေကို မသိရှိပဲ ဖေ့ဘုတ်ခ်စတေးတပ် တွေကနေပဲ သင့်ကိုထင်မြင်ယူဆနေကြမှာမို့ပါ။ နောက်တစ်ချက်က စတေးတပ်စ်နဲ့ ကွန့်မန့်စစ်ပွဲတွေထဲ သင်ဘယ်တော့မှ ၀င်မပါပါနဲ့ အဲဒီလုပ်ရပ်တွေဟာ အခြေအမြစ်မရှိပဲ မိုက်မဲသူတွေသာ ပြုလုပ်ကြပါလိမ့်မယ်။

၃။ လွတ်လပ်စွာပြောဆိုခွင့် ရှိပါတယ်… ဒါပေမယ့်။
            ဖေ့ဘုတ်ဟာ ဒီမိုကရေစီနည်းအရ သင့်ထင်မြင်ယူဆချက်တွေ သင့်အတွေးတွေ၊ သင့်ခံစားမှုတွေကို လွတ်လပ်စွာ ထုတ်ဖော်ပြောဆိုခွင့်ရှိတဲ့ နေရာတစ်ခုပါပဲ…။ ဒါပေမယ့် အဲဒီလို လွတ်လပ်စွာထုတ်ဖော်မှုဟာ တခြားသူတွေအပေါ် ထိခိုက် နစ်နာစေခြင်းမျိုး ဖြစ်ပေါ်နိုင်စေဖို့တော့ မဖြစ်သင့်ပါဘူး…။ လွတ်လပ်စွာ ထုတ်ဖော်ပြောဆိုခွင့်ကို အခွင့်အရေးယူပြီးတော့ တစ်ခြား လူပုဂိုလ်တွေ အဖွဲ့အစည်းတွေ အယူအဆတွေ၊ အတွေးအခေါ်တွေကို လူမှုရေး၊ စီးပွားရေး နစ်နာစေခြင်းမျိုး ဖြစ်ပေါ်အောင် မလုပ်မိဖို့ အရေးကြီးပါတယ်။ ဘာကြောင့်လည်း ဆိုတော့ သင့်နဲ့သင့်သဘောထား ကိုက်ညီသူတွေလိုပဲ အခြားဆန့်ကျင်ဘက်တွေမှာလည်း သူတို့အစုအဖွဲ့တွေနဲ့ လွတ်လပ်စွာဖော်ထုတ်ပိုင်ခွင့်ကို အလွဲသုံးစားလုပ်လာ ကြနိုင်လို့ပါပဲ။ လွတ်လပ်စွာထုတ်ဖော် ပြောဆိုခွင့်ကို အလွဲသုံးစွဲတာဟာ ဒီမိုကရေစီရဲ့ မျက်နှာကို အိုးမည်းသုတ်တာ ဖြစ်တဲ့ အပြင် တရားမျှတမှုကို သွေဖည်စေတဲ့ အတွက် အဲဒီအကျိုးအပြစ်တွေဟာ သင့်အပေါ်ပြန်ကျရောက်နိုင်ပါတယ်။

၎။ ဘယ်လိုဓါတ်ပုံတွေ မတင်သင့်ဘူးလဲ။
            အန့်ဒရွိုက်ဖုန်းတွေ၊ ထိတွေမျက်နှာပြင်တွေကြောင့် နိုင်ငံသားဂျာနယ်လစ်တွေရဲ့ အခန်းကဏ္ဍဟာ ပိုမိုကျယ်ပြန့်လာပါတယ်။ ၂၁ရာစုမှာ ဓါတ်ပုံအများဆုံးရိုက်တဲ့ ကိရိယာဟာ တယ်လီဖုန်းကင်မရာများ ဖြစ်သွားကြပါတယ်။ ထူးခြားဖြစ်စဉ်တွေ ပေါ်ပေါက်ပြီဆိုတာနဲ့ ဖုန်းကင်မရာနဲ့ ရိုက်ပြီး ဆိုရှယ်နက်ဝေါ့ ပေါ်ပစ်တင်လိုက်တဲ့ အလေ့အကျင့်ဟာ လူ့အဖွဲ့အစည်းမှာ နက်နက်ရှိုင်းရှိုင်း အမြစ်တွယ်နေပါပြီ။ ဒါပေမယ့် ဓါတ်ပုံတိုင်းတော့ အကောင်းဘက်ကြီး ရလဒ်မထွက်ပါဘူး။ ဖြစ်နိုင်သမျှတော့ သေသူတွေနဲ့ ကလေးသူငယ်တွေရဲ့ ဓါတ်ပုံတွေကို အွန်လိုင်းပေါ် မတင်ဖို့အရေးကြီး ပါတယ်။ မလွဲမရှောင်သာ တင်ဖို့ ကြုံမယ်ဆိုရင်လည်း သတိထားဖို့လိုပါတယ်။ ထိခိုက်ဒဏ်ရာရမှုကြောင့် ရုပ်ပျက်ဆင်းပျက် ဖြစ်စဉ်တွေ၊ မှုခင်းဆိုင်ရာအကြောင်းအရာတွေ ၊ အများသူငါမကြည့်ရှုသင့်တဲ့ ဓါတ်ပုံတွေ၊ လူအုပ်စုအချင်းချင်း ပဋိပကမီးတောက်လောင် နိုင်စေမယ့် ဓါတ်တွေ မတင်သင့်ပါဘူး။ အသက်မပြည့်သေးတဲ့ ကလေးသူငယ်တွေရဲ့ ဓါတ်ပုံကိုလည်း အလွယ်တကူမတင်သင့်ပါဘူး၊ ကလေးခိုးဂိုဏ်းတွေ လူကုန်ကူးသူတွေရဲ့ ပစ်မှတ်ဟာ မိမိကလေးသူငယ်အပေါ် အွန်လိုင်းပေါ်ကတဆင့် ကျရောက်လာနိုင်ပါတယ်။ ဆင်းရဲနွမ်းပါးလို့ တောင်းစားနေတဲ့ ကလေးသူငယ်တွေကိုဖြစ်စေ၊ လေလွင့်ကလေးငယ်တွေရဲ့ ပုံကိုဖြစ်စေ၊ ပြစ်မှုပြစ်ခင်း ကျူးလွန်ထားမိတဲ့ ကလေးငယ်တွေရဲ့ ဓါတ်ပုံတွေကိုဖြစ်စေ အွန်လိုင်းပေါ်မတင်မိဖို့ အရေးကြီးပါတယ်။ သူတို့ အနာဂါတ်မှာ အခုမသိလိုက် မသိဘာသာ ရိုက်တင်လိုက်တဲ့ ဓါတ်ပုံတွေဟာ အမည်းစက်ကြီး တစ်ခုအနေနဲ့ တစ်ဘ၀လုံးလွှမ်းမိုးအောင် မလုပ်သင့်ပါဘူး။ အဲဒါဟာ ကလေးသူငယ် အခွင့်အရေးကို သွယ်ဝိုက်ချိုးဖောက်ရကျနေပါတယ်။ အကြမ်းဖျင်းအားတော့ အခုလိုဓါတ်ပုံတွေကို ဆိုရှယ်နက်ဝေါ့ သုံးစွဲသူတွေ နိုင်သားဂျာနယ်လစ်တွေ အွန်လိုင်းပေါ် မတင်ဖို့ အကြံပြုချင်ပါတယ်။ 

၅။ ဆိုရှယ်နက်ဝေါ့ကြောင့် သင့်မှာရန်သူတွေပိုမများပါစေနဲ့။
            ဖေ့ဘုတ်ခ်ကို လူတွေ သဘောကျတဲ့အချက်က ကွဲကွားသွားတဲ့ သူငယ်ချင်းတွေ မိတ်ဆွေတွေ၊ မိသားစုတွေကို မထင်မှတ်ပဲ အလွယ်တကူပြန်ဆက်သွယ်ရနိုင်တာပါ။ ပြီးတော့ သူငယ်ချင်းအသစ်တွေလည်း အမြဲတိုးပွားနေတယ်…။ ဒါပေမယ့် အဲဒီမိတ်ဆွေတွေဟာ အွန်လိုင်းပေါ်မှာ အငြင်းပွားဖွယ်တွေ ပေါ်ပေါက်လာရင် တမုဟုတ်ချင်း မိတ်ဆွေအဖြစ်က ရပ်စဲသွားနိုင်သလို ဘက်မတူတဲ့ ရန်သူတွေလို တစိမ်းပြင်ပြင်တွေ ဖြစ်သွားတတ်ကြပါတယ်။ ဘာကြောင့်လည်း ဆိုတော့ အဲဒီအဓိကပြသ၁နာက Text စာသားသက်သက်တွေကြောင့် မို့ပါ ကိစရပ်တစ်ခုကို တစ်ဖက်သားနားလည်အောင် ပြင်ပ ပကတိအခြေအနေမှာ လေသံ၊ အမူအရာ၊ မျက်နှာသွင်ပြင်၊ အကြည့်၊ စိတ်နေစိတ်ထား ဆိုတဲ့ အာရုံငါးပါးနဲ့ ဆက်သွယ်ကြတာပါ။ စာသားကြီး သက်သက်ကြတော့ လက်ခံသူတွေနဲ့ အကော်အယူတွေဟာ ပိုမိုလွှဲမှားတတ်ပြီး မလိုလားအပ်ပဲ မိတ်ဆွေတွေအဖြစ်ကနေ ကွဲပြားသွားတာမျိုး ၊ အချင်းချင်းယှဉ်ပြိုင်ဘက်တွေလို့ မြင်သွားကြပြီး သူ့အယူအဆ ကိုယ့်အယူအဆကွဲပြားမှုကို လက်မခံနိုင်သူတွေ ဖြစ်သွား ကြတာမျိုး ဖြစ်တတ်ကြပါတယ်။ အဲဒါကြောင့် ဆိုရှယ်နက်ဝေါ့တွေပေါ်မှာ မိတ်ဆွေအချင်းချင်း အငြင်းအခုန်ဖြစ်ဖို့ အားမထုတ်ပါနဲ့ တတ်နိုင်သမျှ သင့်ဘက်ကစ အလျော့ပေးပါ။ 

၆။ လူတိုင်းမှာ သူ့အယူအဆနဲ့သူ။
          လူတိုင်းမှာ သူ့အယူအဆနဲ့ သူပါ။ ဖေ့ဘုတ်ခ်သုံးစွဲတဲ့ အသက်အရွယ်ဟာ ၇နှစ်သားကနေ ၇၀အရွယ်ထိ လောက်အကြမ်းဖျင်း ရှိနေနိုင်တဲ့အတွက် အယူအဆ၊ အတွေ့အကြုံ၊ အတွေးအခေါ်၊ ခံစားမှု၊ ပညာ စတဲ့အချက်တွေ အမျိုးမျိုးကွဲပြား သွားနိုင်ပါတယ်။ သူ့ဖက်က လက်ဖမိုး ကိုယ့်ဘက်က လက်ဖ၀ါးဆိုပြီး နှစ်မျိုးနှစ်စားတည်းမျိုးမဟုတ်ပါဘူး။ အယူအဆအမျိုးမျိုး အတွေးအခေါ်အမျိုးမျိုး ကွဲပြားမှုအမျိုးမျိုး ရှိနေနိုင်ပါတယ်။ အဲဒီကွဲပြားမှုတွေကို သင့်အနေနဲ့ ညာလိုက်ညှိုနေဖို့ မစဉ်းစားပါနဲ့ အဲဒါဟာ သင့်အချိန်တွေကို အလဟသ၁ ဆုံးရှုံးစေနိုင်မှာဖြစ်ပါတယ်…။ တချို့ကလည်း တခြားသူတွေ လေးလေးနက်နက် ယုံကြည်ယူဆထားတာကို ဟာသလုပ်ပြီး အတိုက်အခံလိုက်လုပ်တတ်တဲ့ သူတွေလည်း ရှိနေတတ်ပါတယ်…..။ သင်က အတည်ပေါက်ကြီး အကျေအလည်ရှင်းပြနေတာကို တစ်ဖက်ကတော့ သင့်ကို ဟာသတစ်ခုလို ရယ်မောနေတာ သိရင် သင်လည်း စိတ်ထဲ ကသိကအောက်ဖြစ်ရမှာပဲ အဲဒီတော့ အယူအဆမတူရင် ကွဲပြားမှုကို ခပ်လွယ်လွယ် လက်ခံပေးလိုက်ပါ။ အချိန်ကို ခြွေတာတဲ့ အနေနဲ့ ဖေ့ဘုတ်ခ်ပေါ်မှာ ပြန်လှန်ငြင်းခုန်မနေပါနဲ့။

၇။ ပဋိပကတွေကြားထဲ ၀င်မပါပါနဲ့။
            သင်ဟာ ဆိုရှယ်နက်ဝေါ့တွေမှာ အချိန်ကြာမြင့်စွာ သုံးစွဲပြီး အချိန်အတိုင်းအတာ စတေးတပ်စ်တွေ ဓါတ်ပုံတွေ share၊ Like စတဲ့ခလုတ်တွေနဲ့ အလုပ်ရှုပ်နေပြီး ဖေ့ဘုတ်ခ်ပေါ်မှာ အရေးပါ အရာရောက်သူတစ်ဦး လို့ ကိုယ့်ကိုယ်ထင်မြင်လာအောင် ဆိုရှယ်နက်ဝေါ့က လှည့်စားတတ်ပါတယ်။ အဲဒီအခါ သင်ဟာသူများ သမီးရည်စားကိစကနေ တောင်တရုတ်ပင်လယ် ပဋိပကအထိ ဖြေရှင်းပေးဖို့ တာဝန်ရှိသူလို့ သင့်ကိုယ်သင် ထင်မြင်ယူဆမိလာပါလိမ့်မယ်။ ဘယ်အကြောင်းအရာ မဆို သင်ရဲ့ထင်မြင်ချက်ကို ထုတ်ဖော်ပြောဖို့ လိုအပ်လိမ့်မယ်လို့ သင်ထင်နေမိပါလိမ့်မယ်။ သင်က တစ်နေ့ ၁၈နာရီလောက် မက်ဇူကာဘတ်စနစ်ထဲကနေ ကမာကြီးကို ပြုပြင်ပြောင်းလဲစရာတွေ ရှိနေမယ်လို့ သင်တွေးမြင်မိပါလိမ့်မယ်။ ငြိမ်းချမ်းရေးအတွက်၊ ဒီမိုကရေစီအရေးအတွက်၊ အစိုးရစီမံခန့်ခွဲမှု အမှားတွေအတွက် သင်ဟာ အမြဲတမ်းကြားဝင်နေမိပါလိမ့်မယ်။ အဖြစ်အပျက်တွေဟာ သူ့ဘာသာကျော်လွန် ဖြတ်သန်းသွားမှာ ဖြစ်ပြီး ဖေ့ဘုတ်ခ်ထဲမှာ သင့်အတွက် သူရဲကောင်းကျောက်တိုင် ဆောက်ပေးဖို့ နေရာရှိမှာ မဟုတ်ပါဘူး ..။ သင်ဖေ့ဘုတ်ခ်ထဲကနေ ကမာကြီးကို ပိုကောင်းအောင် မလုပ်နိုင်သလို၊ ဖေ့ဘုတ်ခ်ထဲက ပဋိပကတွေကြားကနေ သင်စိတ်ရောဂါတွေ ရသွားတာပဲ အဖတ်တင်ပါလိမ့်မယ်။ အဲဒီတော့ ဖေ့ဘုတ်ခ်ထဲက ဘာကိစကိုမှ ကြားဝင်မနေပါနဲ့။
၈။ သင်ဟာကျော်ကြားသူတစ်ယောက်ဆိုရင်သတိထားပါ။
            သင်ဟာ နယ်ပယ်တစ်ရပ်ရပ်မှာ ထူးချွန်ထင်ရှားသူ တစ်ယောက်ဆိုရင် ဖေ့ဘုတ်ကို ကိုယ်တိုင်သုံးစွဲဖို့ အဆင်ပြေမယ် မဟုတ်ပါဘူး။ တချို့က သင့်ကျော်ကြားမှုကို အထင်ကြီးလို့ မိတ်ဆွေဖွဲ့ချင်တာမျိုး၊ တချို့က သင့်ရဲ့ ကောလဟလတွေ အတည်ပြုဖို့ သင်နဲ့မိတ်ဆွေဖွဲ့ချင်တာမျိုး တချို့သင့်ကို အနှောင့်အယှက်ပေးချင်တာကြောင့် သူငယ်ချင်း လာလုပ်တာမျိုးတွေ အမျိုးမျိုးတွေ့ရပါမယ်။ သင့် wall ပေါ်မှာ ရှုပ်ယှက်ခတ်အောင် သူတို့တင်ချင်တဲ့ အကြောင်းအရာတွေ ဇွတ်တင်ပစ်တာမျိုး။ သူတို့က သင့်ကို အားနာမှာမဟုတ်ပါဘူး။ သင်က သူတို့အပေါ် စိတ်လိုက်မာန်ပါ အမှားအယွင်း တစ်ခုခုပြောမိဆိုမိရင်တော့ အဲဒါကို ပုံကြီးချဲ့ပြီး သင်ဟာဖေ့ဘုတ်ခ်ပေါ်က သတင်းသားကောင် တစ်ကောင် အဖြစ် အလွယ်တကူ အမဲဖျက်တောင် ခံရသွားနိုင်ပါတယ်။ အဲဒီအတွက် သင်ဟာ လိုအပ်ချက်ကြောင့် ဖေ့ဘုတ်ခ် အသုံးပြုမယ် ဆိုရင်တောင် သာမာန်လူတွေထက် ပိုမို ဂရုစိုက်ပြီး အသုံးပြုသင့်ပါတယ်။
၉။ ဖေ့ဘုတ်ခ်မှာ သာသနာမပြုပါနဲ့။
            ဖေ့ဘုတ်ခ်ဟာ တကသိုလ်ကျောင်းသား တစ်ယောက်က ကျောင်းသားအချင်းချင်း ဆက်သွယ်ဖို့ စိတ်ကူးကနေ ပေါ်ထွက်လာတဲ့ လူမှုဆက်သွယ်ရေး မီဒီယာတစ်ခုပါ ။ ပြီးတော့ ဆိုရှယ်နက်ဝေါ့ လုပ်ဆောင်ချက်တွေကိုပဲ ဦးစားပေး ဆောင်ရွက်ထားပြီး ဖေ့ဘုတ်ခ်သုံးစွဲ သူတွေဟာ ဒါကို အလေးအနက်အတည်တကျ သုံးစွဲတာမျိုးထက် အပျော်သဘော သုံးစွဲမှုက ပိုမိုများပြားပါတယ်။ အဲဒါကြောင့် ဖေ့ဘုတ်ခ်ပေါ်မှာ ကြီးကျယ်မြင့်မြတ်တဲ့ ဘာသာရေးအကြောင်းအရာတွေ တလေးတပင်ဆွေးနွေးတာမျိုး မပြုလုပ်သင့်ပါဘူး။ ဘာသာကွဲ၊ ဘာသာခြား၊ ဘာသာမဲ့များနဲ့ ထိပ်တိုက်ပြောဆို အငြင်းပွားမပြုလုပ်သင့်ပါဘူး။  ဘာသာရေး တာဝန်ထမ်းဆောင်နေသူများကလည်း ဖေ့ဘုတ်ခ်ကို အသုံးပြုပြီး ၀ါဒဖြန့်တာ၊ ဆွဲဆောင်စည်းရုံးတာ၊ ဘာသာရေးမှိုင်းသွင်းတာမျိုးတွေ မကျိုးပမ်းသင့်ပါဘူး ။ ဖေ့ဘုတ်ခ်နဲ့ သာသနာပြုဖို့ ကြိုးစားတာဟာ အလေးအမြတ်ပြုစရာ ဘာသာတရားတွေကို ပေါ့ပျက်ပျက်ပြူမူမှုမျိုး ဖြစ်စေနိုင်တဲ့အတွက် ဖေ့ဘုတ်ခ်ကနေ သာသနာပြုတာကို ရှောင်ရှားသင့်ပါတယ်။ 

၁၀။ ကောလဟလတွေကို ဘယ်လိုဆန်းစစ်မလဲ။

            ဆိုရှယ်နက်ဝေါ့တွေ ပေါ်မှာ အခါအားလျော်စွာ ပေါ်ပေါက်တတ်တာကတော့ ကောလဟလ သတင်းမှားတွေပါ။ ဆိုရှယ်နက်ဝေါ့ဟာ သတင်းအချက်အလက်တွေကို ရယူတဲ့ တစ်ပိုင်းမီဒီယာဖြစ်လာတဲ့အတွက် သတင်းတုတွေ လုပ်ကြံသတင်းတွေဟာ နိုင်ငံရေး၊ စီးပွားရေး၊ လူမှုရေးအရ ပေါ်ပေါက်လာတတ်သလို ပျံ့နှံ့ဖို့လည်း ပိုမိုလျင်မြန် လွယ်ကူတာကို တွေ့ရပါတယ်…။ ဖေ့ဘုတ်ခ်ပေါ်မှ လုပ်ကြံသတင်းတွေ ဓါတ်ပုံအတုတွေနဲ့ ဖန်တီးထားတဲ့ သတင်းမှားတွေကို လူအတော်များများက သေချာတိတိကျကျ မသိပဲ ဖြန့်ဝေကြတာမျိုးတွေ ခဏခဏတွေ့ရပါတယ်။ အဲဒီသတင်းတွေ မှန်မမှန် အခြေအမြစ်ရှိမရှိကို ဆန်းစစ် အကဲဖြတ်တတ်ဖို့လိုပါတယ်။ အဲဒီလိုမှ မဟုတ်ရင်တော့ ကောလဟလ သတင်းမှားတွေရဲ့ သားကောင်ဘ၀ကျရောက်သွားနိုင်ပါတယ်။  ပထမဦးစွား သတင်းရင်းမြစ်ခိုင်မာလား ဆိုတာအရင်ဆုံးလေ့လာကြည့်ပါ။ ပြီးတော့ စာနယ်ဇင်းသမားတွေ သုံးတဲ့ ဘခြောက်လုံးတိုင်းပါ ဘယ်နေရာ၊ ဘယ်အချိန်၊ ဘယ်သူတွေ၊ဘာကြောင့်၊ ဘယ်လိုဖြစ်တာလည်းဆိုတဲ့ ဘခြောက်လုံးနဲ့ သတင်းကို ဆန်းစစ်ကြည့်ရင် သတင်းအစစ်အမှန်လား အတုအယောင်လား ဆိုတာ ကွဲကွဲပြားပြားသိနိုင်ပါလိမ့်မယ်။ သတင်းတုတွေ၊ ကောလဟလတွေ၊ လုပ်ကြံသတင်းတွေဟာ ဘခြောက်လုံး အားပျော့နေတာမျိုး မပါတာမျိုးဖြစ်နေတတ်ပါတယ်။ 

၁၁။ ဆိုရှယ်နက်ဝေါ့တွေကြောင့် စိတ်ရောဂါရနိုင်တယ်။
          ဆိုရှယ်နက်ဝေါ့ကြောင့်  သုံးစွဲပါများလာရင် စိတ်ဂဏာမငြိမ်ရောဂါတွေ ဖြစ်ပေါ်လာတတ်ပြီး ဆိုရှယ်နက်ဝေါ့ပေါ်က နိုတီဖိကေးရှင်းတွေ၊ မက်ဆေ့ခ်ျတွေ၊ စတေးတပ်စ်တွေ အပေါ်မှာ ခံစားမှုများလာတတ်ပြီး အဲဒီအရာတွေ အပေါ်မှာ တုံ့ပြန်ပြုမူမှုတွေ များပြားလာတတ်ပါတယ်။ ကိုယ့်အပြင်ဘက် လက်ရှိဘ၀ကလူတွေနဲ့ တစိမ်းပြင်ပြင် ဖြစ်နေပြီး အွန်လိုင်းပေါ်ကလူတွေနဲ့ စိတ်ပိုင်းဆိုင်ရာ ဆက်သွယ်ချက်တွေ များပြားနေပါက vitural world ကို တကယ့်ဘ၀လို့ ထင်ယောင်မှားမှုတွေ ဖြစ်ပေါ်တတ်ပါတယ်။ ဆိုရှယ်နက်ဝေါ့ပေါ်မှာ ပရိတ်သတ်များရင် like များများရရင် အထင်ကြီးစိတ်တွေ ၀င်တတ်ပြီး အတိုက်အခံဖြစ်တာများလာရင် စိတ်ကျရောဂါတွေ၊ အထီးကျန်ခံစားရတာ တွေဖြစ်လာတတ်ပါတယ။် အဲဒါကြောင့် ဆိုရှယ်နက်ဝေါ့ကို လိုအပ်သလောက်ပဲ သုံးစွဲဖို့အရေးကြီးပါတယ်။ ဆိုရှယ်နက်ဝေါ့ကို စွဲလန်းတဲ့ ရောဂါဟာ လက်တွေ့ဘ၀မှာ ကိုယ့်ပါတ်ဝန်းကျင်ကလူတွေ ဝေးကွားသွားတတ်ပြီး၊ တကယ်အရေးကြုံတဲ့အခါ သင့်ဘေးနားက တကယ့်လူတွေနဲ့ ဆက်သွယ်ဖို့ ခက်ခဲသွားပါလိမ့်မယ်။ အဲဒါကြောင့် ဆိုရှယ်နက်ဝေါ့ကို မစွဲလန်းမိစေအောင် သတိပြုစေချင်ပါတယ်။ 

၁၂။ ဆိုရှယ်နက်ဝေါ့ပေါ်က ပြစ်မှုများ။
            ဘယ်နည်းပညာဆို ကောင်းကျိုးဆိုးကျိုး ဒွန်တွဲပါလာတတ်ပြီး အကောင်းအတွက် သုံးစွဲရင် ကောင်းကျိုးဖြစ်ပြီး အဆိုးအတွက် သုံးစွဲရင်တော့ ဆိုးကျိုးတွေ ဖြစ်လာတတ်ပါတယ်။  ဆိုရှယ်နက်ဝေါ့ကိုလည်း လူမျိုးစုံ သုံးစွဲကြတဲ့အတွက် ပြစ်မှုကျူးလွန်သူတွေလည်း ဆိုရှယ်နက်ဝေါ့ကို အသုံးပြုလာကြပါတယ်။ ဆိုရှယ်နက်ဝေါ့တွေပေါ်မှာ ကလေးသူငယ်တွေ အမျိုးသမီးတွေဟာ အများဆုံး ပြစ်မှုကျူးလွန်ခံရလေ့ရှိပါတယ်။ လိင်ပိုင်းဆိုင်ရာ အကြမ်းဖက်မှု၊ ဖျားယောင်းသွေးဆောင်မှု၊ ဆိုရှယ်နက်ဝေါ့ပေါ်ကနေ မိတ်ဆွေဖွဲ့ပြီး လိမ်လည်လှည့်ဖျားမှု၊ ခိုးမှု၊ လုယက်မှု၊ ခြိမ်းခြောက်မှု၊ အကျပ်ကိုင်မှုတွေကို ပြစ်မှုကျူးလွန်တတ်သူများက ကျူးလွန်လာကြာတာကို တွေ့ရပါတယ်။ သူတို့ပစ်မှတ်ထားတဲ့ ဦးတည်အုပ်စုတွေက အမျိုးသမီးတွေ၊ အသက်မပြည့်ကြသေးတဲ့ ကလေးသူငယ်တွေ အများဆုံးဖြစ်နေတာကို တွေ့ရပါတယ်။ ပြီးတော့ ဆိုရှယ်နက်ဝေါ့ကို အသုံးပြုပြီး ပြစ်မှုကျူးလွန်သူတွေ ဂိုဏ်းဖွဲ့လှုပ်ရှားမှုတွေ ဖြစ်ပေါ်လာနိုင်ပါတယ်။ အဲဒါကြောင့် လူကြီးတွေ အနေနဲ့ ဆိုရှယ်နက်ဝေါ့တွေကို အသက်မပြည့်သေးတဲ့ ကလေးသူငယ်တွေ သုံးစွဲရင် သတိပြုစောင့်ကြည့်သင့်ကြောင်း အကြံပြုတင်ပြလိုက်ပါသည်။