ငယ်ငယ်တုန်းက ပေါက်ပေါက်ရှာရှာ ဒီလိုတွေးခဲ့ဖူးတယ်..။ အမျိုးသားနေ့တော့ရှိပြီး အမျိုးသမီးနေ့တော့ ဘာလို့မရှိတာ လည်းလို့ ကျွန်တော်က အဲဒီလိုထော်လော်ကန့်လန့် တွေးတောနေတတ်တဲ့ကောင်ပါ..။ နည်းနည်းအသက်ကြီးတော့
အမျိုးသားနေ့အကြောင်း သင်ရပါတယ်.. အခြေခံပညာ ဘယ်အတန်းမှာလည်း လို့ အခုကျွန်တော် မှတ်ဥာဏ်နည်းနည်း လေးကို မေးကြည့်တော့ သိပ်မမှတ်မိပါဘူး..ဒါပေမယ့် တခြား နိုင်ငံတော် အခမ်းအနား နေ့တွေကို ခရစ်ပြက္ခဒိန်နဲ့
ပြဠန်းပြီး အမျိုးသားနေ့ကို တော့မြန်မာသက္ကရ်ဇ်နဲ့ မှတ်သားတာကိုသတိထားမိပါတယ်…။ လွန်ခဲ့တဲ့ နှစ်ပေါင်းကိုးဆယ် က တက္ကသိုလ်ကျောင်းသားတွေရန်ကုန် တက္ကသိုလ် အက်ဥပဒေကို သပိတ်မှောက်ခဲ့တဲ့ ဒီနေ့ကို.. ကျွန်တော်တို့
နိုင်ငံတော်ရဲ့ အမျိုးသားနေ့ … နိုင်ငံတော် အမျိုးသားနေ့ အဖြစ်ကျွန်တော်တို့ နိုင်ငံလွတ်လပ်ရေးကို ဦးဆောင်ခဲ့တဲ့ ကျောင်းသားခေါင်းဆောင်တွေက သတ်မှတ်ခဲ့ကြတယ်လို့ ကျွန်တော် မှတ်သားခဲ့ဖူးပါတယ်…။ အခုဆိုနှစ်ပေါင်းကိုးဆယ်ကြာခဲပါပြီ..။ ကျွန်တော်တို့ ပြည်ထောင်စုကလည်းမုန်းတိုင်းသည်းသည်း လှိုင်းကထန်ထန် လောကဓံပေါင်း သောင်းခြောက်ထောင်နဲ့မြေနိမ့်ရာလှံစိုက် ချင်တဲ့ခေတ်တွေကိုလည်း ဖြတ်ခဲ့ပြီ…။
ရန်ကုန်တက္ကသိုလ်လည်း.. ခေါင်းလောင်းသံတိတ် တံခါးပိတ်လုိ့သမိုင်းသက်သေတွေပွေ့ဖက်လို အထီးကျန် ခံစားနေခဲ့ရပြီ…။ ကျွန်တော်မနက်ကတည်းက အမျိုးသားနေ့အကြောင်းကို စိတ်ထဲမှာပေါ်လာတယ်.. ကျွန်တော်
မျက်ဝန်းတွေထဲမှာ အဖြူအမည်း ပုံရိပ်တွေနဲ့ ရွှေတိဂုံခြေရင်းကသပိတ်စခန်းတွေ အမျိုးသားကျောင်းတွေ အမျိုးသား စာသင်ခန်းတွေ.. အဲဒီသပိတ်မှောက်ကျောင်းသား လူငယ်တစ်စုက ဒီနိုင်ငံကြီးရဲ့ သမိုင်တာဝန်တွေကို
ဘယ်လောက်တောင် ကျေပွန်ခဲ့လည်း ဆိုတာ ကျွန်တော်တို့ အခု နိုင်ငံတော်ကထင်ထင်ရှားရှား ရှိနေပြီလေ..။ ကျောင်းသပိတ်တိုက်ပွဲကနေ လွတ်လပ်ရေးဘ၀အထိ..သူတို့ ဘယ်လောက် ကြမ်းတမ်းခက်ခဲစွာ ဖြတ်သန်းခဲ့ရလည်း.. ဘ၀မှာမမေ့သင့်မမေ့အပ်တဲ့ ကျေးဇူးတရားတွေ သူတို့ဆီကျွန်တော်တို့ ပြန်ဆပ်ဖို့ကျန်နေပါသေးတယ် အခုတော့ ကျွန်တော်တို့ဟာ တတ်နိုင်သမျှ နိုင်ငံတော်နဲ့ကင်းကင်းကွာကွာနေချင်ကြတယ် လေ နိုင်ငံတော်ကို လူတစ်စုသိမ်းပိုက်ထားတဲ့အခြေအနေကနေ ကျွန်တော်တို့ ပြန်လည်ရယူနေတဲ့ အမျိုးသားနိုင်ငံရေးတိုက်ပွဲတွေကတော့ ဆက်လက် ချီတက်နေရဆဲပါပဲ.. သမိုင်အဆက်ဆက် အကျဉ်းထောင်ထဲကကျောင်းသားတွေ နိုင်ငံသားတွေ အမျိုးသားခေါင်းဆောင်တွေ သမိုင်းကြောင်းသွေးနဲ့ရေးခဲ့တဲ့ လေးစားဖွယ် လူတွေလည်း ခေတ်အဆက်ဆက် ရှိနေတုန်းပါ..။အမျိုးသားနေ့ဟာ အမျိုးကို ချစ်တတ်ဖိုဆိုတာထက် မတရားရင် လက်မခံဘူးဆိုတဲ့လူ့အခွင့်အရေးဆောင်ရွက်ချက်ကို လမ်းပြဖော်ဆောင်ပေးလို့ ကျွန်တော်တို့အားလုံး ကျွန်ဘ၀က လွတ်မြောက်ခဲ့ရပါတယ် ဘယ်လိုအခြေအနေဆိုးကကျွန်တော်တို့ကို ကျွန်ဇာတ်ပြန်သွင်းမှာကို ကျွန်တော်တို့ရဲ့ သပိတ်မှောက်ကျောင်းသားတွေ လက်ခံနိုင်မှာမဟုတ်ပါဘူး .. သူတို့ရှိသေးရင်တရားမျှတမှုအတွက် သပိတ်တိုက်ဦးမယ် ထင်ပါတယ်… ။ ကျွန်တော် တွေးမိတာတစ်ခုကလူတိုင်းလူတိုင်းလည်း မိမိကိုယ်ကိုယ် ကျွန်ပြုစိုးမိုးဖို့ကြိုးစားချက်တွေ တွန်းလှန်တိုက်ဖြတ်သင့်ပါတယ် … ခေတ်ပေါ်ကမ္ဘာ ကျွန်ပြုနည်းပရိယာယ်တွေ ပိုမိုကြွယ်ဝလာလို့.. ရိုးသားပြီး ယုံကြည်တတ်လွန်းတဲ့ကျွန်တော်တို့ နိုင်ငံသားတွေအတွက်.. အမျိုးသားနေ့နဲ့အတူ အမျိုးသားဂုဏ်ကိုဘယ်နေရာ ဘယ်ဒေသကနေမဆို မြှင့်တင်နိုင်ကြပါစေလို့.. ဆန္ဒပြုရင်း.. ငါတို့ကမြန်မာပါ..လို့ ၀င့်ဝင်ကြွားကြွားပြောနိုင်မယ့် နေ့တွေဆီ…။
မိုးလှိုင်ည
Welcome
ရန်ကုန်စံတော်ချိန်။
Facebook Badge
Blogroll
- ကဗျာလွယ်အိတ်လေး( ကိုသားဖြိုး)
- ကဗျာပြခန်း
- ကိုညီညီ(သံလွင်)
- ကိုညီလင်းဆက်
- ကိုဖိုးသူတော်
- ကိုမင်းယွန်းသစ်
- ကိုမိုးလှိုင်ည(ကဗျာ)
- ကိုမိုးလှိုင်ည(စာစုများ)
- ကိုရန်အောင်
- ကိုလင်းဦး (စိတ်ပညာ)
- ကိုဖြိုး (စည်းအပြင်ကလူ)
- ကိုနွယ်ရိုး
- ကျွန်တော်တို့ချစ်တဲ့ကဗျာတွေ
- မအိန္ဒြာ
- မနော်ဟရီ
- လသာည
- လိပ်ပြာလေး
- လွတ်ကျသွားတဲ့မြို့တော်
- သုခမိန်( E- journal)
- အာရှခရီးသွားလမ်းညွှန်
- အမေ
- ကောင်းကင်ဖြူ
- တောကျောင်းဆရာရဲ့ တစ်ခါကတချို့တစ်လေ
- ဒေါက်တာ မွန်းသက်ပန်
- နိုင်းနိုင်းစနေ
စိတ်ကူးချင်းရင်းနှီးသူတွေ
Labels
- ကဗျာ (2)
- စာကောင်း စာဟောင်း (3)
- ဆောင်းပါး (1)
- ဓါတ်ပုံ (2)
- ဖတ်ညွှန်း (1)
- ကြုံခဲ့သမျှလူ့ဘ၀ (10)
- ဘာသာရေးစာပေ (1)
- သတင်း (2)
- သတင်းဆောင်းပါး (4)
- ဟာသ (1)
- အက်ဆေး (8)
- အင်တာဗျူး (1)
- အထ္ထုပတ္တိ (2)
- အတွေးစာစု (12)
- ဆောင်းပါး (29)
- ပေါ်လိုကိုဟိုး စာစုများ။ (2)
Posted by
အောင်ပိုင်စိုး
5 December 2010
Labels:
အက်ဆေး
Subscribe to:
Post Comments (Atom)