ဒီမိုကရေစီ ရဲ့ ပထမဆုံးနဲ့ နောက်ဆုံး အနှစ်သာရကတော့ လူသားအားလုံး
တန်းတူညီမျှရေး ကို တရားမျှတစွာကျင့် သုံးဆောင်ရွက်နိုင်ခြင်းဖြစ်ပါတယ်။

ယနေ့ ခေတ်မှာတော့ ကမ္ဘာပေါ်မှာ ဒီမိုကရေစီနိုင်ငံတွေ အမျိုးမျိုး
ပေါ်ထွန်းလာလျှက်ရှိပါတယ်...။
အဲဒါဟာ လွန်ခဲ့တဲ့ဆယ်စုနှစ်သုံးစုစာထက်စာရင် ပိုမိုသာလွန်လာတဲ့...
လူ့အဖွဲ့အစည်း ဆိုင်ရာရင့်ကျက်မှုပါ . ဒါပေမယ့် ဒီမိုကရေစီဆိုတဲ့
ခေါင်းစဉ်အောက်မှာ တရားမျှတမှုနဲ့ ဝေးကွာနေရတဲ့ လူ့အဖွဲ့အစည်းတွေလည်း
များပြားလျှက်ရှိနေဆဲ့ပါ...။

ကျွန်တော်တို့ အမှောင်ခေတ်ထဲက ထွက်လာခဲ့ပါပြီ.. ဒါပေမယ့် အုံ့မှိုင်းနေတဲ့
မနက်ခင်းကို တော့ရင်ဆိုင်နေရဆဲပါ..။

ကမ္ဘာတစ်လွှားမှာ ဒီမိုကရေစီဟာ သူ့နည်းသူ့အထွာ နဲ့ အများအပြား
ပေါ်ထွက်လာနေပါတယ်...။ အမေရိကန် ဒီမိုကရေစီ၊ ဥရောပ ဒီမိုကရေစီ၊
အာရှဒီမိုကရေစီ၊ လက်တင်နဲ့ အာဖရိကမှာဖြစ်ပေါ်နေတဲ့ အာဏာရှင်နဲ့
ဒီမိုကရေစီလွန်ဆွဲပွဲများ..။ အရှေ့အလယ်ပိုင်းမှ ဒီမိုကရေစီကို
ဘာသာမျက်နှာစည်းပ၀ါစည်းပြီး ကြိုးပေးသတ်ချင်နေတဲ့ အဖြစ်အပျက်တွေနဲ့
ကမ္ဘာကြီး တစ်ခုလုံးအနေနဲ့တော့ ဒီမိုကရေစီဟာ မိုးကုတ်စက်ဝိုင်းအစပ်က
မှုန်ပျပျ ကြယ်စင်တစ်လုံးပဲဖြစ်နေပါသေးတယ်..။

ဒီမိုကရေစီကို ဘယ်သူတွေလိုအပ်သလည်း။
လူတွေဟာ တရားမျှတှုကို လိုလားတယ်ဆိုပေမယ့် အဲဒါ
လူတိုင်းတော့ မဟုတ်ဘူး ပြီးတော့ အချိန်တိုင်းအတွက်လည်း
မဟုတ်ပြန်ပါဘူး...။ ဘာကြောင့်လည်း ဆိုတော့ လူ့အဖွဲ့အစည်း အလိုက်ကိုက
တရားမျှတမှုတွေကို ကျင့်သုံးနိုင်စွမ်း မရှိသေးပါဘူး...။ အဲဒါကြောင့်
ကမ္ဘာပေါ်က စစ်ပွဲတွေ ရပ်တန့်လို့ မရနိုင်သေးတာပေါ့ ...။နိုင်ငံရေး
စီးပွားရေး ပါဝါရှိသူတွေက တန်းတူညီမျှရေးကို မစဉ်းစားသလို..
လူချင်းအတူတူဆိုတဲ့ အခြေခံဝါဒကို တစ်သီပုဂလ္လကော အဖွဲ့အစည်းအလိုက်ပါ
ငြင်းဆန်လျှက် ရှိနေတုန်းပါပဲ..။ ဒီမိုကရေစီဆိုတဲ့ အခြေခံယူနစ်တွေ
ချို့တဲ့နေတဲ့ လူအဖွဲ့အစည်းတွေ ဒီမိုကရေစီဆိုတဲ့ စကားလုံးဟာ
အခွံ့ချည်းသက်သက် စကားလုံးတစ်ခုပဲ ဖြစ်နေမှာပါ...။ အမတ်လောင်းတွေ
မဲရဖို့အတွက် အားကောင်းမောင်းသန် ငြင်းခုံဖို့ အဆင်ပြေမယ့်
စကားလုံးသက်သက်ပါပဲ..။ အဘက်ဘက်က အားနည်းချို့တဲ့ သူတွေ လူတစ်ယောက်၊
နိုင်ငံတစ်နိုင်ငံ ၊ အဖွဲ့အစည်းတစ်ခု က သူရဲ့ တန်းတူညီမျှမှု
ရပိုင်ခွင့်တွေ တရားမမျှတစွာ ပြုမှုဆက်ဆံခံနေရသူတွေက ဒီမိုကရေစီကို
အလိုအပ်ဆုံးဖြစ်ပါလိမ့်မယ်...။ အဲဒီလူသားတွေဟာ ကမ္ဘာအနှံ့အပြားများ
အများအပြားရှိနေဆဲပါ..။ အဖြစ်အပျက်မျိုးစုံနဲ့ ပြဠာန်းချက် အမျိုးမျိုးက
မတရားမှုတွေနဲ့ အသားစီးရသူတွေကို အကာအကွယ်ပေးနေတုန်းပါပဲ...။

ရွေးကောက်ပွဲတွေက တရားမျှတမှုကိုမွေးထုတ်ပေးသလား ။

ရွေးကောက်ပွဲတွေ မရှိတာ ထက်စာရင် ရွေးကောက်ပွဲတွေရှိတာဟာ ကောင်းပါတယ်...။
ဒီတစ်ချက်တည်းနဲ့တော့ ရွေးကောက်ပွဲဟာ တရားမျှတမှုတွေကို
ရွေးထုတ်ပေးမှာမဟုတ်ပါဘူး...။ အခြေခံဥပဒေ တွေကိုယ်၌က ရိုးဖြောင့်မှု
မရှိဘူးဆိုရင် အဲဒီဥပဒေကြောင့် ပေါ်ပေါက်လာတဲ့ ရွေးကောက်ပွဲတွေဟာ
မှန်ကန်မျှတတဲ့ရလဒ်တွေနဲ့တော့ ဝေးကွာနေမှာပါပဲ..။ ပြီးတော့
ကမ္ဘာပေါ်မှာရှိတဲ့ ရွေးကောက်ပွဲ အများစုဟာ ရွေးကောက်ပွဲ ဦးဆောင်
ကျင်းပသူတွေ လိုချင်တဲ့ ရလာဒ်အဖြေမျိုးဖြစ်အောင် ပြည်သူအများစုရဲ့
သဘောထားကို အတင်းအကျပ်တောင်းယူတာမျိုးပဲ ဖြစ်နေပါသေးတယ် အဲဒီတော့
ကျွန်တော်တို့ဟာ ရွေးကောက်ပွဲတိုင်းကို စင်လုံးချော တရားမျှတမယ်လို့
တွေးခေါ်ထားရင် မိုက်မဲရာ ကျပါလိမ့်မယ်
ကျွန်တော်တို့ လုပ်နိုင်တာ တစ်ခုတော့ ရှိပါတယ် ပြည်သူတွေရဲ့ ဆန္ဒအမှန်ကို
အနုနည်း အကြမ်းနည်းနဲ့ ခြိမ်းခြောက်မြူစွယ်ခံရခြင်းမှ ပြည်သူတွေ
ကိုယ်တိုင် သူတို့ သဘော ဆန္ဒအမှန်ကို ကာကွယ်နိုင်ဖို့ အသိအမြင်
ကျယ်ပြန့်စွာ ပေးနိုင်ဖို့ လိုအပ်ပါတယ်...။ လူမှုအဖွဲ့အစည်း တည်ငြိမ်စွာ
ဖွံ့ဖြိုးတိုးတက်အောင် ရေရှည် အကျိုးစီးပွား အတွက် မျှော်မှန်းတတ်လာအောင်
ပညာပေးလှုံ့ဆော်မှု အပိုင်းတွေကို ထိထိရောက်ရောက် ဆောင်ရွက်ဖို့
လိုပါတယ်...။ အာဏာရှင် နိုင်ငံတော်တော် များများမှာတော့
အသိဥာဏ်ပညာဆိုင်ရာ ရရှိပိုင်ခွင့် ဟာ အနည်းဆုံးဖြစ်နေတတ်ပါတယ် ...။
ပညာရေး အတွက် အခြေခံ အဆောက်အဦး တွေ ချို့တဲ့တာကနေ
သင်ရိုညွှန်းတမ်းဘက်လိုက်မှုများနဲ့ မျက်မှန်စိမ်းတပ် ၀ါဒဖြန့် မှုမျိုးတွေက
အစ အသုံးချတတ်ကြပါတယ်...။ အဲဒါကြောင့် အခြေခံလူထုဟာ အသိဥာဏ်ဆိုင်ရာ
ဖွံ့ဖြိုးမှု နောက်ကျနေတတ်ပါတယ်... အဲဒီတော့ ရွေးကောက်ပွဲ ဟာ အာဏာပိုင်တွေ
စိတ်ကြိုက် ဖြစ်လာခဲ့ရတာပါပဲ...နောက်ထပ် နည်းလမ်း တစ်ခုက လူလတ်
တန်းစားအသံကို ပိတ်ဆို့ ခြင်းပါ... အရင်းအမြစ် ကြွယ်ဝတဲ့ ဖွံ့ဖြိုးဆဲ
နိုင်ငံငယ်တွေဟာ ချမ်းသာကြွယ်ဝရမယ့် အစား မှားယွင်းတဲ့ စီမံခန့်ခွဲမှု
တွေကြောင့် ဒါမှမဟုတ် လက်နှက်ကိုင် အဖွဲ့အစည်းတွေရဲ့ သယံဇာတ
အရင်းအမြစ်တွေအပေါ် လက်ဝါးကြီးအုပ်လုယက်နေမှုတို့ကြောင့် ဆင်းရဲမွဲတေမှု
ပြဿနာတွေကို နက်နက်ရှိုင်းရှိုင်း ရင်ဆိုင် နေရလေ့ရှိပါတယ်... စနစ်တကျ
အခွန်စည်းကျပ်မှုမရှိတဲ့အတွက် ၀န်ထမ်းအဖွဲ့အစည်းတွေမှာ နည်းပါးတဲ့
ဘက်ဂျက်ကို မျှဝေသုံးစွဲနေရပြီး...
လူမှုအ၀န်းအ၀ိုင်းဖွံ့ဖြိုးတိုးတက်အောင် ဆောင်ရွက်နိုင်ခြင်း
မရှိပါဘူး...။ လူလတ်တန်းစားအနေနဲ့ ပုဂ္ဂလိက လုပ်ငန်းရှင် အနည်းငယ်နဲ့
အစိုးရ အရာရှိ အနည်းငယ်သာရှိပြီး.. သူတို့အနေနဲ့
အသက်မွေးဝမ်းကျောင်းဆိုင်ရာ ခြိမ်းခြောက်ခံရမှုနဲ့
အမြဲတစေထိတွေ့နေရပါတယ်..ရွေးကောက်ပွဲ ကာလရောက်မှ အာဏာပိုင်တွေဟာ
လူထုကိုချော့မြူဖို့ ကြွယ်ဝတဲ့ အရင်းအမြစ်တွေကို ထုတ်ယူသုံးစွဲလေ့
ရှိပါတယ်..။ အဲဒါကြောင့် ရွေးကောက်ပွဲ တချို့ဟာ ပြည်သူ့ရင်ထဲက က
သဘောထားကို မတရားနည်းနဲ့ ပြောင်းလဲစေခိုင်းတာပဲ ဖြစ်နေပါတော့တယ်...။
အဲဒါဆို တရားမျှတတဲ့ ရွေးကောက်ပွဲတွေပေါ်ဖို့ ကျွန်တော်
ကြိုတင်မရှာဖွေသင့်ဘူးလား...။

အရောင်စုံအာရှ

၁၉၄၅ နောက်ပိုင်းမှာ အာရှနိုင်ငံတွေဟာ
ကိုလိုနီလက်အောက်က လွတ်မြောက်လာကြပါတယ်.. ကိုလိုနီခေတ်မတိုင်မီ
သက်ဦးဆံပိုင် ဘုရင်တွေနဲ့ နေထိုင်လာခဲ့ကြတဲ့ နိုင်ငံအများစုဟာ
လွတ်လပ်ရေးထိန်သိမ်းနိုင်ဖို့ တည်ငြိမ်တဲ့ နိုင်ငံရေးစနစ်အတွက်
အဆင်သင့်မဖြစ်သေးတာကိုတွေ့ရပါတယ်... အဲဒီအတွက် ပြည်တွင်းစစ်ပွဲတွေ
အာရှမှာပေါ်ပေါက်လာပါတယ် ကမ္ဘာအင်အားကြီး အုပ်စုနှစ်ခုက အာရှနိုင်ငံ
များ၏ပြည်တွင်းစစ်များပေါ်တွင် ၀င်ရောက်ခြယ်လှယ်ကြပါတယ်..။
အဲဒီအချိန်တုန်းက အာရှနိုင်ငံတွေဟာ ဒီမိုကရေစီရေးထက် ပုဂ္ဂိုလ်ရေး
ဦးဆောင်မှုနောက်ကို ပြည်သူအများစုက ကွဲပြားစွာထောက်ခံကြပါတယ်...။
အဲဒီအရေးအခင်းတွေဟာ ၁၉၈၉ ဘာလင်တံတိုင်းပြိုကျပြီး လင်းပွင့်မှု ကာလရောက်မှ
နှင်းခဲအရည်ပျော်သလို တစ်စတစ်စ
ချုပ်ငြိမ်းပျောက်ကွယ်လာကြပါတယ်..။ဒါပေမယ့် ယခင် ကွန်မြူနစ်
ဟောင်းကြီးတွေက အစ စစ်အာဏာရှင်တွေ အဆုံး ဒီမိုကရေစီကို ကိုယ်ပိုင်
အဓိပါယ်တွေနဲ့ ကိုင်ဆောင် သုံးဆွဲလာကြပါတယ်..။တရုတ်ကွန်မြူနစ်ပါတီကအစ
city state နိုင်ငံတစ်ခုဖြစ်တဲ့ စကာင်္ပူအဆုံး အတိုက်အခံတွေ အင်အားစုတွေရဲ့
အသံမပါပဲ... စီးပွားရေးနိုင်ငံရေး တချို့အစိတ်အပိုင်းတွေမှာ
ဒီမိုကရေစီဆန်လာကြပါတယ်.. စစ်အာဏာသိမ်းမှုများနဲ့ သပိတ်တိုက်ပွဲတွေကြားမှာ
လွန်ဆွဲနေတဲ့ ထိုင်းနိုင်ငံဒီမိုကရေစီ...
ဂျပန်နိုင်ငံရေးအရှုပ်တော်ပုံကြားမှာ ခေါင်းမဖော်နိုင်သေးတဲ့
ဒီမိုကရေစီစံနှုန်းများ မြောက်ကိုရီးယားနဲ့ ဘာသာရေးအစွန်းရောက်
အရှေ့အလယ်ပိုင်းနိုင်ငံများ.. အကြမ်းဖက်ခံနေရတဲ့ ပါကစတန်ဒီမိုကရေစီ...
အရောင်စုံအာရှ မှာ ဒီမိုကရေစီထိုးဇာတ်တွေကလည်း အများအပြားပါ..။
လူတစ်ဦးချင်းစီရဲ့ ပညာရေချိန်မြင့်တက်မှုမရှိမခြင်း ကျွန်တော်တို့
ဒီမိုကရေစီအခွင့်အရေးဟာ နည်းအမျိုးမျိုးနဲ့ နှောင့်ယှက်
ဖျက်ဆီးခံရေဦးမှာပါပဲ...။ လက်နှက်ကိုင်တစ်စု၊ လူတစ်ယောက် ၊
လူတန်းစားတရပ်က ပြည်သူ့အခွင့်အာဏာကို အလွဲသုံးစားလုပ်ဖို့
ချုပ်ကိုင်ခြယ်လှယ်နေတာကို ခွင့်ပြုနေသမျှ ကာလပါတ်လုံး ကျွန်တော်တို့
တင်းပြည့်ကျပ်ပြည့် ဒီမိုကရေစီကိုရဖို့ဝေးကွာနေဦးမှာပါ..။ ဒီမိုကရေစီဟာ
ကိုယ်တိုင်ကျင့်သုံးရတဲ့အရာဖြစ်လို့ လူတိုင်း ဒီမိုကရေစီကို
ကျင့်သုံးဖို့လိုပါတယ်...။ အရေးကြီးတဲ့အချက်က ကြောက်တတ်ရင်
ဒီမိုကရေစီမရပါဘူး..။ ပညာမဲ့ရင် အကြောက်တရားကြီးတတ်ပါတယ်။ အဲဒီတော့
ကိုယ့်ရပိုင်ခွင့်နဲ့ ကိုယ့်တာဝန်ဟာ ဘာမှန်းမသိတော့ဘူး.. အဲဒီတော့
ဒီမိုကရေစီဖွံ့ဖြိုးဖို့ အများပြည်သူတွေရဲ့ ပညာအဆင့်အတန်းကို
မြင့်မားလာအောင် ဆောင်ရွက်ပေးဖို့ လိုအပ်ပါတယ်...။

တရားဥပဒေ မစိုးမိုးပဲ လူများအုပ်ချုပ်သောနိုင်ငံ

လူဟာ တစ်ဦးချင်းထက်
လူအုပ်စုကြီးက ပိုမိုက်မဲတတ်တယ်။

အဲဒီအဆိုအမိန့်တစ်ခုကို စာအုပ်တစ်အုပ်ထဲမှာ ဖတ်ဖူးတယ်..။
ဒီမိုကရေစီဆိုတာ လူ့အဖွဲ့အစည်းတစ်ခုလုံးထဲကမှ အများရဲ့ ဆနအတိုင်း
သဘောတူဆုံးဖြတ်ရတာဖြစ်ပြီး.. အဲဒီထဲက ကွဲပြားဆန့်ကျင်တဲ့
အဆိုပြုချက်တွေကို လက်သင့်ခံထည့်သွင်းစဉ်းစားရတာပါ..။ ဒီမိုကရေစီ
အဖွံ့ဖြိုးဆုံး လူ့အဖွဲ့အစည်းတွေထဲမှာ တောင် ရာခိုင်နှုန်းကိုးဆယ်
ညီညွတ်တဲ့ ဆုံးဖြတ်ချက်တွေဟာ ဖြစ်တောင့်ဖြစ်ခဲပါ..။ အဲဒီတော့
ဒီမိုကရေစီစံတိုင်းတာချက်မှာ သီအိုရီတစ်ခေါ်ပေါ်လာပါတယ်... အများညီ ဤ
ကိုကျွဲဖတ်တယ်ဆိုရင်တော့ အဲဒီလူ့အဖွဲ့အစည်းအနေနဲ့ တနည်းနည်းနဲ့
ပြန်ပေးဆွဲ ခြိမ်းခြောက်ခံနေရပြီလို့ ကောက်ချက်ဆွဲကြည့်လို့ရပါပြီ...
မိုးခါးရေကို အတူဝိုင်းသောက်ကြတာလား မိုးခါးရေကို အတင်းတိုက် ခံနေရတာလား
ဆိုတာ စဉ်းစားစရာပါ..။ အလိုတူအလိုပါပဲဖြစ်ဖြစ် မလိုမတူပါပဲဖြစ်ဖြစ်
လူ့အဖွဲ့အစည်း တရပ်လုံး အဆုံးအစွန်ဆုံး ချောက်ကမ်းပါးကို
ဦးတည်သွားနေတာပါ..။ ကျွန်တော်တို့ ခုန်ပျံကျော်လွှားရေး သီအိုရီနဲ့
မဟာအောင်မြင်မှုကြီးကနေ ချောက်ထဲထိုးကျသွားတဲ့ ဆိုဗီယက်
ပြည်ထောင်စုကြီးကို သတိရကြဦးမယ် ထင်ပါတယ်..။ ဆိုဗီယက် ပြည်ထောင်စုကို
ဇာဘုရင်တွေထက်အာဏာစက်ပိုပြင်းတဲ့ ကွန်မြူနစ်ခေါင်းဆောင်တွေ
အုပ်ချုပ်ခဲ့တာသာ ဖြစ်ပြီး ကွန်မြူနစ်ဝါဒကော တရားမျှတတဲ့ ဥပဒေတွေနဲ့
ပြည်ထောင်စုကိုစည်းနှောင်ထားခဲ့နိုင်ခြင်းမရှိခဲ့ပါဘူး..။ ကျော်စွာတစ်ရာ
စာအုပ်ရေးသားသူက အခုလိုရှင်းပြထားပါတယ်..
ဂျော့ဝါရှင်တန်ကို ဂျူးလိယက်ဆီဇာ၊ နပိုလီယန်၊ မဟာ အလက်ဇန်းဒါးတိုထက်
ရှေ့မှာထားရတာ.. အတော်ဆုံးစစ်ဗိုလ်ချုပ်ဖြစ်တာကြောင့်မဟုတ်ပါဘူး..
ခေါင်းဆောင်မှုစွမ်းရည်နဲ့ စစ်ရေးမှာ ဂျော့ဝါရှင်တန် အထက်ပါသုံးယောက်ထက်
အားနည်းနိုင်ပါတယ်.. ဒါပေမယ့် သူတည်ထောင်ခဲ့တဲ့ အင်ပိုင်ယာကတော့ တခြား
စစ်ဗိုလ်ချုပ်တွေ တည်ထောင်တဲ့ အင်ပိုင်ယာထက်
ပိုမိုသက်တမ်းရှည်ကြာခဲ့လို့ပါတဲ့...။

ဂျော့ဝါရှင်တန်ဟာ အမေရိကန်တော်လှန်ရေး
အများဆုံးရင်းနှီးမြုပ်နှံသူတစ်ယောက်ဖြစ်ခဲ့ပေမယ့်...
အမေရိကန်ဖွဲစည်းပုံအခြေခံဥပဒေအပေါ်မှာတော့ တခြား
အမေရိကန်တစ်ဦးတစ်ယောက်ထက်မှ အခွင့်အရေး ပိုမယူခဲ့သူဖြစ်ပါတယ်..။
အဲဒါဆိုရင် ကျွန်တော်တို့ တရားဥပဒေမကြီးစိုးပဲ လူအများ အုပ်ချုပ်တဲ့
နိုင်ငံအတွက် ဒီမိုကရေစီ လှေကားထစ်တွေဟာ မက်စောက်မြင့်မားနေဦးမှာ
အသေအချာပဲ ဖြစ်ပါတယ်...။

အောင်ပိုင်စိုး

၂၀၀၀ ပြည့်နှစ်လောက်က ကျွန်တော် သဘာဝပါတ်ဝန်းကျင် အဖွဲ့တစ်ဖွဲ့ ရေးထားတဲ့ စာတမ်းတစ်စောင်ဖတ်ဖူး တယ် အဲဒီစာတမ်းက တစ်နှစ်တစ်နှစ်ကို သစ်တောဧက ၂၃သန်းလောက် ပျောက်ကွယ်နေတယ်လို့ ဆိုပါတယ်။ နှစ်ထောင်ပြည့်လွန် နောက်ပိုင်းမှာ သစ်တော ဧကတွေပျောက်ကွယ်မှုက ပိုမိုတိုးတက်လာနိုင်တယ် လို့ ကျွန်တော် တွေးနေမိပါတယ် ဒါပေမယ့် ကိုယ်တိုင်က သုတေသနသမား မဟုတ်တော့ ကိန်းဂဏန်း နဲ့ အတိအကျ မတွက်ချက် နိုင်ဘူး ဖြစ်နေတယ်..။ တမြန်နေ့မနက်ကတော့ စီးပွားရေးစာအုပ် တစ်အုပ်ထဲမှာ တစ်နေ့တစ်နေ့ လူပေါင်း ၂၄၀၀ လောက် အငတ်ဘေး ဆိုက်ရောက်သေးဆုံးနေတယ်လို့

Believe those Hero

သူတို့တွေကို ကျွန်တော် ယုံပါတယ်။ သူတို့တွေ ဆိုတာ ဘယ်သူတွေလဲ...?

ဟုတ်ကဲ့... မြန်မာပြည်က မီးသတ်ရဲဘော်တွေကို ပြောတာပါခင်ဗျာ။

လူတစ်ချို့က ပြောနေကြတယ်။ ပိုက်ဆံပေးမှ မီးသတ်ပေးကြတယ်။ မီးသတ်ကားက ရေလဲ မပါလာဘူး။ မီးကိုမြင်နေတာတောင် ကားက ရေမပတ်ဘူး။ တချို့မီးသတ်ကားတွေ ရေမပတ်ပဲ ရပ်ထားတယ်။ မီးသတ်တွေ မီးလောင်ပြင်ထဲ မ၀င်ရဲဘူး။ မီးသတ်ကားပေါ်မှာ မီးသတ်ရဲဘော်မတွေ့ဘူး။ စုံပလုံစိအောင် ကြားနေရတယ်။

မီးလောင်ပြင်မှာ ရပ်ကြည့်နေတဲ့ သာမန်လူတစ်ဦးအနေနဲ့ ဒီလို အမြင်တွေ မြင်မိမှာ ယထာဘူတ ကျပါတယ်။ သူတို့တွေ မသိလို့ နားမလည်လို့ ဒီလို ပြောကြဆိုကြတာပါ။ ကျွန်တော်အနေနဲ့ ၂၀၀၅ ကနေ ၂၀၀၇ ဧပြီလ အထိ ရန်ကုန်မြို့တွင်းမှာ လောင်တဲ့ မီးလောင်ပြင် အတော်များများကို အတွင်းစည်းထဲအထိ ၀င်ရောက် ကူညီဖူးတော့ ဒါတွေက မမှန်ဘူးဆိုတာ သိထားရပါတယ်။

ပိုက်ဆံပေးမှ မီးသတ်တယ်ဆိုတာက ကျွန်တော် မျက်စိရှေ့မှာတော့ တစ်ကြိမ်တစ်ခါမှ မကြုံဖူး မမြင်ဖူးသေးပါ။ လောင်နေတဲ့ အိမ်ကို မငြိမ်းပဲ ဘေးနားက ဘာမှ မလောင်သေးတဲ့ အိမ်တွေကို ရေပတ်နေတာက မီးကူးမှာကို ကြိုတင်ကာကွယ်တာပါ။ လောင်နေတဲ့အရာကို ရေတွေ ဖိလောင်းနေလည်း လောင်စာအားကောင်းတဲ့ အချိန်မှာ ဘာမှ အကျိုးမထူးပါဘူး။ မီးမလောင်သေးတဲ့ ဘေးပတ်ဝန်းကျင်ကို ရေဖြန်းထားတဲ့အတွက် ရပ်ကွက်တစ်ခုလုံး ပြာကျရမယ့် ဘေးကို ကာကွယ်ပေးရာရောက်ပါတယ်။

မီးသတ်ကားထဲမှာ ရေပါတယ်။ ဒါတောင် မီးသတ်ကားက မီးလောင်နေတဲ့နေရာကို ရောက်နေတာတောင် ရေမပတ်ဘူး။ အဲဒီလို့ ပြောတဲ့ကေ့စ်မှာတော့ မီးသတ်ကားတွေက ရေကို ပန်းထွက်လာအောင် ပတ်ဖို့အတွက် မီးသတ်စက်မှာ လေပေါင်ချိန်ပြည့်ဖို့ လိုပါတယ်။ လေပေါင်ချိန် မပြည့်မချင်း မီးသတ် ပိုက်ခေါင်းက ရေပန်းထွက်ဖို့ မဖြစ်နိုင်ပါဘူး။ မီးလောင်ပြင်က မီးသတ်စခန်းနဲ့ အလှမ်းဝေးတယ်ဆိုရင် လာရာလမ်းမှာ လေပေါင်ပြည့်အောင် လုပ်ခဲ့ပါတယ်။ မီးလောင်ပြင်လည်း ရောက်ရော အဆင်သင့် ရေပတ်နိုင်တာပေါ့။ ဒါပေမယ့် မီးလောင်တဲ့နေရာနဲ့ စခန်းက လှမ်းမြင်ရတဲ့ တစ်ခေါ်စာ နေရာမှာ ရှိရင် ကားက မီးလောင်ပြင်ကို ရောက်နေပေမယ့် လေပေါင်ချိန်ပြည့်ဖို့ ထိုင်စောင့်နေရပါတယ်။ အဲဒါကြောင့် ချက်ချင်း မီးငြိမ်းသတ်တာ မလုပ်နိုင်ပါဘူး။

မီးသတ်ကားတွေ ရေမပါလာဘူး။ အဲဒါကေ့စ်ကျတော့ ဒီလို ရှိပါတယ်။ နေရာတစ်ခုမှာ မီးလောင်ရင် အဲဒီနေရာနဲ့ အနီးဆုံးနေရာက မီးသတ်စခန်းတွေ စတင်လှုပ်ရှားရပါတယ်။ မီးသတ်စခန်းက ရပ်ထားတဲ့ ကားတိုင်းမှာ ရေဖြည့်ထားလေ့ မရှိပါဘူး။ မီးလောင်ပြင်နား တ၀ိုက်မှာ ရေဖြည့်တင်းဖို့အတွက် သက်ဆိုင်ရာ နယ်မြေခံ မီးသတ်စခန်းက စီစဉ်ပေးရပါတယ်။ မီးကြီးလာတာနဲ့အမျှ အပြင်စည်းက မီးသတ်စခန်းတွေပါ ထွက်ရပါတယ်။ တိုင်းမီးသတ်ဦးစီးက အကူယာဉ်တွေ ထွက်ပါဆိုပြီး စက်ထဲက အမိန့်ပေးလိုက်တာနဲ့ အပြင်စည်းက မီးသတ်တွေ ထွက်လာပါပြီ။ အဲဒီလို ထွက်လာတဲ့အခါကျရင်လည်း အပြင်စည်းဆိုတဲ့အတိုင်း မီးလောင်တဲ့နေရာနဲ့ အတော်လေး အလှမ်းဝေးတဲ့ မြို့နယ်ကနေ ထွက်လာရတဲ့အတွက် ရေသယ်လာဖို့ထက် မီးလောင်ပြင် ရောက်ဖို့ကို အဓိက ဦးစားပေးထားရပါတယ်။ ဒါကြောင့် မီးလောင်နေတဲ့ မြို့နယ်နားရောက်မှ ကားတွေကို ရေဖြည့်လေ့ ရှိကြပါတယ်။ အဲဒီလို ထွက်ပါလို့ ပြောတဲ့အချိန်မှာ မြို့နယ်မီးသတ်စခန်းက တာဝန်ကျရဲဘော်တွေ ကပျာကယာ အ၀တ်အစားလဲပြီး ကမူးရူးထိုး ထွက်ရပါတယ်။ အ၀တ်အစားတောင် စခန်းမှာ လဲဖို့အချိန်မရပါဘူး။ သွားနေတဲ့လမ်းမှာပဲ ကားပေါ်မှာ လဲဝတ်ရတာပါ။ ထွက်လို့ ပြောတဲ့အချိန်မှာ မထွက်မိတဲ့ စခန်းက တိုင်းဦးစီးကို ထုချေလွှာတင်ရပါတယ်။

မီးသတ်ကားတွေ ရေမပတ်ပဲ လမ်းဘေးမှာ တန်းစီရပ်ထားကြတယ်။ အဲဒီကေ့စ်မှာတော့ မီးသတ်ကားတိုင်း ရေပတ်ဖို့ မလိုပါဘူး။ တကယ် ရေထွက်အားကောင်းတဲ့ ကား ၂ စီး ၃ စီး ပတ်နေပြီဆိုရင် အဲဒီနားမှာ နောက်ထပ် ကားတွေက ရေထပ်ပတ်ဖို့အတွက် ကားရပ်စရာနေရာ မရှိတော့ပါဘူး။ အဲဒီအတွက် သူတို့က ရေသယ်ပေးပါတယ်။ တကယ် မီးသတ်နေတဲ့ကားတွေကို နောက်ကနေ ပိုက်တွေ တောက်လျှောက်ဆက်ပြီး ရေထည့်ပေးနေပါတယ်။ အဲဒီလို အဆင့်ဆင့် ရေဆက်တိုက် ထည့်ပေးမှပဲ ရှေ့မှာ ဒိုင်ခံ ပတ်နေတဲ့ကားမှာ ရေအလုံအလောက် ရမှာပါ။ အဲဒီလိုမှ မလုပ်ရင် ၁၀ မိနစ် ၁၅ မိနစ်နဲ့ ရေကုန်သွားမှာပါ။ အဲဒါကြောင့် ရေမပတ်တဲ့ကားကို သွားပြီး အပြစ်တင်လို့ မရပါဘူး။ သူတို့တွေလည်း တာဝန်ကိုယ်စီ ကျေပြွန်အောင် ထမ်းဆောင်နေကြတာပါ။

မီးသတ်တွေ မီးလောင်ပြင်ထဲ မ၀င်ရဲဘူး။ အဲဒါကိုလည်း စဉ်းစားကြည့်ရအောင် အသက်စွန့်တယ်ဆိုတာ ပြောတော့တာ အလွန်လွယ်တာပါ။ တကယ်လုပ်ကြည့်ရင် မလွယ်ပါဘူးခင်ဗျ။ မီးသတ်သမားတွေလည်း အသက်စွန့်ဖို့အတွက် နည်းနည်းတော့ အခက်အခဲ ရှိမှာပါ။ မီးလောင်ပြင်ထဲကို စွတ်ရွတ် ၀င်လိုက်ရင် မမြင်ရတဲ့ အန္တရာယ်တွေက ဆီးကြိုနေပါတယ်။ သေချာစူးစမ်းပြီးမှ ၀င်ရတာပါ။ မီးခိုးတွေ ဒီလောက်များတဲ့ အထဲမှာ အသက်ရှုရတာ ဘယ်လောက်ခက်သလဲ မျက်စိတွေ ဘယ်လောက်စပ်သလဲ ဆိုတာကို ၀င်ဖူးတဲ့လူမှ သိမှာပါ။ အသက်ရှူဖို့ အောက်ဆီဂျင်ဘူးတွေ ရှိပေမယ့် အရေအတွက်က ကန့်သတ်ချက် ရှိနေပါတယ်။ မီးလောင်ပြင်ဝင်နေတဲ့ မီးသတ်ရဲဘော် အားလုံးအတွက် လုံလောက်မှု လုံးဝ မရှိပါဘူး။ အဲဒါအပြင် မီးလောင်ပြင်ထဲကို ၀င်လို့ရတဲ့ မီးသတ်ဝတ်စုံလည်း မပြည့်စုံပါဘူး။ စခန်းမှာ တာဝန်ကျချိန် ၀တ်ဆင်တဲ့ သာမာန်ယူနီဖောင်းတွေနဲ့ မီးလောင်ပြင်ထဲ ၀င်သွားရင် ကိုယ်လုံးတီးဖြစ်သွားမှာပါ။ နိုင်လွန်တွေက မီးနားရောက်တာနဲ့ တဖျစ်ဖျစ် အသံထွက်ပြီး အသားမှာ ကပ်ကုန်ပါတယ်။ မီးသတ်သမားတွေ ယူနီဖောင်း အစုံအလင် မရှိတဲ့အတွက် သဘောင်္စက်ခန်းမှာ ၀တ်တဲ့ ဘွိုင်လာစုတွေကို ၀တ်ပြီး မီးလောင်ပြင်ကို ၀င်နေရပါတယ်။ ပစ္စည်းကိရိယာ အစုံအလင် ရှိရင်တော့ ကျွန်တော်တို့ တိုင်းပြည်က မီးသတ်ရဲဘော်တွေလည်း သတ္တိအရာမှာ မခေကြပါဘူးလေ။

မီးသတ်ကားပေါ်မှာ မီးသတ်ရဲဘော်တွေ မတွေ့ရပါဘူး။ ဟုတ်ပါတယ်။ ကားတစ်စီးမှာ မီးသတ်ရဲဘော် ၂ ယောက် ၃ ယောက်လောက်ပဲ လိုအပ်တာပါ။ ရေဖြည့်တာတွေ ရေပိုက်သယ်တာတွေ မီးသတ်ပိုက်ခေါင်း တပ်တာဖြုတ်တာတွေက အခြားသူတွေ လုပ်ပေးရင်လည်း ရပါတယ်။ မီးလောင်ပြင်မှာ လုပ်အားပေးနေတဲ့ ကြက်ခြေနီရဲဘော်၊ အရံမီးသတ်၊ ဘုန်းတော်ကြီးတွေ ၀င်ရောက် လုပ်ကိုင်နိုင်ကြပါတယ်။ မီးသတ်ရဲဘော်တွေ မီးသတ်နေတဲ့အချိန်မှာ ရေသွားဖြည့်တဲ့ မီးသတ်ကားတွေမှာ မီးသတ်ရဲဘော် အများကြီး ပါစရာ မလိုပါဘူး။ အဲဒါမျိုးတွေ မြင်ရလို့ မီးသတ်တွေ အလုပ် မလုပ်ဘူး မထင်လိုက်ကြပါနဲ့။ သူတို့တွေ မီးလောင်ပြင်မှာ ဆိုင်ရာတာဝန်တွေကို လုပ်နေကြပါတယ်။ တချို့ကျတော့လည်း မောလို့ပန်းလို့ ခဏ နားနေတာလည်း ရှိကြပါတယ်။ မီးဆိုတာ အတော်ပူတယ်လေဗျာ။

နောက်ဆုံးပိတ် ပြောချင်တာက မီးလောင်မှု ကြီးမားပြီး မီးမငြိမ်းသတ်နိုင်တာဟာ မီးသတ်ရဲဘော်တွေရဲ့ တာဝန်မဟုတ်ပါဘူး။ ခေတ်မှီဖွံ့ဖြိုးတိုးတက်တဲ့ နိုင်ငံတော်သစ်ကြီးကို တည်ဆောက်နေပေမယ့် အဆင့်မြင့် မြို့ပြကာကွယ်ရေးမှာ အလွန်အရေးပါလှတဲ့ မီးသတ်စနစ်တွေ မီးသတ်ကိရိယာတွေ မီးသတ်ကားတွေကို အဆင့်မြင့်တင်မှု မလုပ်ပေးနိုင်တဲ့သူတွေရဲ့ တာဝန်ပါပဲ။ မြို့ကြီးတွေမှာ အထပ်မြင့်တွေ ဆောက်ကြတယ်။ အထပ်မြင့် ငြိမ်းသတ်တဲ့ မီးသတ်ကား အလုံအလာက် မရှိပါဘူး။ မီးသတ် ကိရိယာတွေ ၀တ်စုံတွေ မရှိပါဘူး။ ကဲ... ဘယ်သူမှာ တာဝန်ရှိပါသလဲ...?

တကယ်တော့ ကျွန်တော်တို့ မြန်မာပြည်က မီးသတ်ရဲဘော်တွေဟာ သက်ဆိုင်ရာတာဝန်ကို ကျေပြွန်အောင် ထမ်းဆောင်နေတဲ့ အသံတိတ် သူရဲကောင်းတွေပါပဲ...

မီးလောင်ပြင်မှ သူရဲကောင်း မီးသတ်ရဲဘော်များကို ရည်ညွှန်းလျှက်...


julydream

ရေ… ရေ… ရေ

ကျွန်တော် လက်ဘက်ရည်ဆိုင်က ထွက်လာတော့ မနက်ကိုးနာရီထိုးပြီ.. အင်တာနက်ဆိုင် မှာအီးမေးစ် ခဏစစ်ပြီးရင်တော့ အိမ်ပဲပြန်စာဖတ်တော့မယ်လို့ စဉ်းစားမိတယ်.. ရာသီဥတုက အရမ်းပူတော့ ဟိုဟို ဒီဒီမသွားချင်တာ တော်တော်ကြာပြီ… အပူချိန်ကလည်း ကျွန်တော်တို့ ရန်ကုန်ဟာ အညာလိုဖြစ်နေသလိုပဲ.. ပိုဆိုးတာက မေလထဲကို လ၀က်လောက်ရောက်တာ တောင် မိုးရိပ်လေရိပ်မမြင်နဲ့…။ အီးမေစ်း စစ်တော့ ကျွန်တော်တို့ RAVEN သွေးလှုအသင်း အလုံ အဖွဲ့က တာဝန်ခံ ညီငယ် ကိုရဲဟိန်းက ဖေ့ဘုတ် ကနေ မေးစ်ပို့ထားတာကိုတွေ့ရတယ် ဒီနေ့ ရေသွားလှုမယ်လို့ ရေးထားတယ်… ကိုယ်က မီးမလာလို့ သောက်ရေသုံးရေပြတ်တဲ့ ဒုက္ခကို လက်တွေ့ခံစားနေရတဲ့ လူ ရန်ကုန်လိုမြို့ကြီးပေါ်မှာတောင် ဒီလောက်ခက်ခဲနေရင် နယ်ဘက်တွေဆို ဘယ်လိုလုပ်မလည်း တွေးမိတော့ အပြင်က အပူက ရင်ထဲကိုမဟပ်တော့ ကိုရဲဟိန်းဆီ ဖုန်းဆက်တော့ ဟာ အစ်ကိုအတော်ပဲ.. အစ်ကိုလိုက်ခဲ့အစ်ကို ဆယ့်နှစ်နာရီ ကျွန်တော်တို့ သွားမှာ အလုံကကျွန်တော့်အိမ်ကို သာလာခဲ့.. အခုထိ ဘယ်သွားလှုမယ်မှန်း ကိုယ်မသိသေးဘူး..။

အေး ညီ.. အစ်ကိုလာခဲ့မယ် ။

ကျွန်တော် အလုံ ဆင်မင်းလမ်းထဲရောက်တော့ လမ်းထိပ်လက်ဘက်ရည်ဆိုင်ကနေ ကျွန်တော့်ကို ကိုအာကာက လှမ်းခေါ်တယ်.. အစ်ကို ရေသွားလှုမလို့ အဲဒါအစ်ကိုကို့ ရဲဟိန်းစောင့်နေပါဆိုလို့.. အာကာနဲ့ကျွန်တော် လက်ဘက်ရည်သောက်နေတုန်း ကိုရဲဟိန်းရောက်လာတယ်.. အဲဒီမရှေးမနှောင်းမှာပဲ.. ကိုအောင်နိုင်ဦး. ရောက်လာတယ် သူက RAVEN ဗီနိုင်းတွေပါ ယူလာတယ်.. အခုထက်ထိ RAVEN အမာခံလေးဦး ပဲဆုံဖြစ်သေးတယ် ကျွန်တော်က ခရီးစဉ်ကို ကိုရဲဟိန်းကိုမေးတော့ အစ်ကို.. တွံတေး မြို့နယ်ထဲက ကရင်စုရွာ၊ ချောင်းဝိုင်းကြီးတောင်ပိုင်း မြောက်ပိုင်းနဲ့၊ ချောင်းဝိုင်းလေး ကျေးရွာတို့ကိုသွားလှုမယ်လို့ ပြောတယ်..။ ရေသန့် ၂၀ လီတာ ဘူကြီး ၁၀၀၊ ၅ လီတာ ဗူးလတ် ၂၁၀ နဲ့ ၁လီတာ ခြောက်ဗူးတွဲ ၉၀ နဲ့ ၆၀၀ မီလီမီတာ ဗူးသေး ၁၀၀ကျော် ပါတယ်အစ်ကို. ..

ဟ.. မနည်းပါလား အခု ငါတို့ လေးယောက်ပဲ ရှိသေးတယ်လေ.. မဟုတ်ဘူးအစ်ကို ကျွန်တော်တို့ အလုံ က RAVEN လူငယ်တွေ အတော်များများ ရှိသေးတယ် .. တော်ကြာ လာကြတော့မှာ မနက်ကတည်းက ရေသန့်မှာပြီး အိမ်မှာ ထမင်းပြန်စားနေကြလို့.. ကျွန်တော်တို့ သိပ်ကြာကြာမစောင့် ရပါဘူး RAVEN လူငယ်တွေ ရောက်လာကြပါတယ်.. မွန်းလွဲတစ်နာရီခွဲမှာတော့ ကျွန်တော်တို့ ရေသန့်တွေကို အလုံသစ်တောလမ်း မြစ်ဆိပ်ကို ကားနဲ့ သယ်ရပါတော့တယ်.. သမ္ဗာန်ဆိပ်ကနေ ကျွန်တော်တို့ ငှားထာတဲ့ သမ္ဗာန်တွေထဲကို ရေဘူးတွေ ပြောင်းသယ်တော့ ကျွန်တော် တို့ လူနှစ်ဆယ် တော်တော်လေး ချွေးနစ်သွားတော့တယ် … ရန်ကုန်နေ ရန်ကုန်လေ ကိုပဲ အပြစ်ပြောရမလား.. ကိုယ်တွေစိတ်ကူးထဲမှာ ကိုယ်ထက်ိရေကို ပိုဆာလောင်နေမယ့် လူတွေ အတွက် ရေတစ်ငုံမှတောင် မသောက်ဖြစ်ကြဘူး.. သမ္ဗာန်တွေပေါ်တင်ပြီးတော့ ကျွန်တော်တို့ မြစ်ကို ဖြတ်ရပါတယ် ပြီးတော့ချောင်းကျဉ်းလေး အတိုင်း နာရီဝက်ခန့်မောင်းတော့ ကရင်စု ရွာကို ရောက်ပါတယ်.. ကရင်စုရွာကို ရေသန့် ပီပါ ခြောက်ဆယ်ဆန့်တဲ့ ရေသယ် သမ္ဗာန် တစ်စီးလှုခဲ့ပါတယ်.. ကျန်တဲ့ ရေသန့် တွေကိုတော့.. ကျွန်တော် တို့ ချောင်းဝိုင်းကြီးတောင်မြောက် ကျေးရွာနဲ့ ချောင်းဝိုင်းလေး.. ကျေးရွာတွေ မှာ ရွာခံလူကြီးတွေ အကူအညီ ခွဲဝေလှုဒါန်းခဲ့ပါတယ်..။ ချောင်းဝိုင်းကြီး ကျေးရွာရောက်တော့ ကျွန်တော်တို့ လိုရေသန့် လာလှုတဲ့ အဖွဲ့ တစ်ဖွဲ့ နဲ့ ရှေ့ဆင့် နောက်ဆင့် ဆုံဖြစ်ပါသေးတယ်.. ချောင်းဝိုင်းကြီးကျေးရွာက ရွာကြီးမို့ တခြား ရွာတွေထက် လူဦးရေကော အိမ်ထောင်စုကောပိုများပါတယ်.. ကျွန်တော်တို့လည်း ချောင်းဝိုင်းကြီး ကျေးရွာ ဆရာတော် ဆီကိုလည်း ရေသန့် ၅ လီတာ ၅ဗူးသွားလှုရင်း စကားပြောဖြစ်ခဲ့ပါသေးတယ်.. ဆရာတော်ကတော့ နှစ်ပေါင်းငါးဆယ် ဒါအဆိုးဆုံး မိုးခေါင်တာပါပဲ တဲ့.. နာဂစ်နောက်ပိုင်း ဒီနှစ်က အဆိုးဆုံးကပ် တစ်ခု ဖြစ်သလိုပါပဲ.. ဘုန်ကြီးကျောင်းဝင်းထဲက ရေကန်ကြီးကလည်း ခန်းခြောက်လို့နေပါတယ်.. ဆရာတော်က အရင်နှစ်တွေက ဆို အခုလို မခန်းကြောင်းပြောပါတယ် ..ခန်းသွားလည်း မိုးလိုက်လာတာနဲ့ ရေပြန်ပြည့်တယ် အခုက မိုးကလည်းခေါင်နေတာဆိုတော့ ချောင်းဝိုင်းကြီး

ပါတ်လည်မှာ ရှိတဲ့ရေကန်တွေ အကုန်ခမ်းခြောက်ကုန်ပြီး အနီးပါတ်ဝန်းကျင် ကျေးရွာ အများစုကလည်း အခုလို အခက်အခဲတွေ ရင်ဆိုင်နေရတယ်လို့ ပြောပြပါတယ်..။ ချောင်းဝိုင်းကြီးကျေးရွာ က ရွာလူကြီး တစ်ဦးကတော့ သောက်ရေ အခက်အခဲ ရှိတာ သုံးပါတ်ခန့်ရှိပြီ.. လို့ပြောပါတယ်.. သုံးရေအတွက် ချောင်းထဲကရေကိုသုံးလို့ရ ပေမယ့် ချက်ပြုတ်ဖိုသောက်ဖို့တော့ ခက်ခဲကြောင်း မြစ်ဝကျွန်းပေါ်ဖြစ်တဲ့အတွက် ရေတွင်းနဲ့.. အ၀ိဇီတွင်းတူးလို့ မရဘူးခင်ဗျာ ရေငန်ထိုးတာရယ်..ကြောင့်ပါလို့ ရှင်းပြပါတယ်… ကျွန်တော်တို့ အဖွဲ့ဟာ ဒုတိယမြောက် ရေလာလှုတဲ့ အဖွဲ့ဖြစ်ပေမယ့် ဒီတစ်နေ့ပဲ ရေလာလှုကြသေးတယ်လို့ ချောင်းဝိုင်းကြီးကျေးရွာက မိခင်တစ်ဦးက ပြောပါတယ်.. ကလေးကိုဓါတ်ဆားရေတိုက်ချင်နေတာ နဲ့အတော်ပါပဲ.. ကျွန်မတို့ရေသန့်ကိုမျှော်နေတာ တော်တော်ကြာပြီလို့ သူမကပဲ ဆက်ပြောပြပါတယ်… လယ်သမားတချို့ကတော့ မိုးဦးအရမ်းနှောင်းမှာကို စိုးရိမ်မကင်းဖြစ်နေကြပါတယ်.. နောက်ပြီး.. မိုးခေါင်တဲ့နှစ်တွေမှာ မိုးနှောင်းသန်တာမို့ လယ်တွေရေနစ်တတ်ပါ တယ် မိုးခေါင်တယ်ဆိုတာ လယ်လုပ်သူတွေအတွက်နိမိတ်ဆိုးပါလိုိ့ လယ်သမားတစ်ဦးကလည်း ပြောပြပါတယ် မိုးခေါင်တာနဲ့ တခြား လူမှု ဒုက္ခတွေ အများအပြား ပါဝင်လာနိုင်တယ်လို့… ရှေ့မှီနောက်မှီလူကြီးတစ်ဦးကလည်း ပြောပြပါတယ်.. ကျွန်တော်တို့ ညနေ လေးနာရီကျော်ကျော်မှာ ချောင်းဝိုင်းကြီးထဲကနေ စက်လှေတွေနဲ့ပြန် ထွက်လာခဲ့ကြပါတယ်… ကမ္ဘာကြီး ပူနွေးလာမှုက ကျွန်တော်တို့ကို ဘယ်လောက်ထိရိုက်ခတ်ဦးမှာလည်း ခြောက်သွေ့ကြမ်းလျှတဲ့ရန်ကုန် မြစ်ပေါ်ကလေတွေကို ဖြတ်သန်းရင်း… ရေအသက်တစ်မနက်တဲ့.. ရေငတ်လို့ သေခြင်းတရားနဲ့ ဖြေရှင်းသွားမယ့် အဖြစ်မျိုးတွေ မဖြစ်ပေါ်ပါစေနဲ့ လို့ ဆုတောင်းရင်း….။

အောင်ပိုင်စိုး

ဗွမ်း…ဗွမ်း သူငယ်ချင်းက ဗောဓိညောင်ပင်ကို ရေသွန်းလောင်းရင် ကျွန်တော့်ဘက်ကိုပါ ရေစင်အောင်လှမ်းစနေပါတယ် … ညောင်ရေအိုးထဲက သပြေခက်တွေ ညောင်ပင်အောက်မှာ စုပုံနေတာတွေ ကိုရှင်းရင်း … နှစ်နာရီထိုးပြီ မိုးမရွာတော့ဘူး ထင်ပါတယ် လို့ ကျွန်တော်က သူငယ်ချင်းကို လှမ်းပြောလိုက်တယ် ငါ့ တစ်သက်တော့ ကဆုန်ညောင်ရေသွန်းတဲ့ နေတိုင်း အမြဲ မိုးရွာတယ်ကွ

အခု ကြည့်ပါလား ကောင်းကင် က လင်းရှနေတာ .. လို့ ကျွန်တော်ပြောတော့…

မင်း စိတ်မပူပါနဲ့ကွာ … ဆရာကြီးလေသံနဲ့ မို့ သူ့စကားကို ကျွန်တော် ကျောခိုင်းပြီး အလှုရှင်လာပေးတဲ့ ညောင်ရေအိုးကို ညောင်ပင်ကြီးဆီလောင်းဖို့ လှမ်းယူလိုက်ပါတယ်… ဟေ့ရောင် ထားထားတို့ အအေးလိုက်တိုက်နေတယ် … ညောင်ရေအိုး ကိုင်ထားပြီး လက်မအားဘူး ပါးစပ်ထဲ လောင်းထည့်ပေးလို့ ပြော မင်းပြောပါလားဟ… ငါ့ကို အချွှန်နဲ့ လာမမနေနဲ့…။ ကျွန်တော် ထားထားကို သဘောကျနေမှန်းသိလို့ သူငယ်ချင်း က လိုက်စနေတာပါ…။ အဲဒါတင်မကဘူး.. ။ ဟဲ့ ထားထား နင့်ဆီက အအေး တောင်းမသောက်ရဲလို့တဲ့ မိုးလှိုင်ကို နင်တို့ပဲ အအေး သွားကပ်လိုက်ပါဟာ… တော်ကြာ ဒီအတိုင်းကြီး ရေငတ်ပြီး လျှောသွားရင် ညောင်ပင်စောင့် ရုကစိုးဖြစ်နေဦးမယ်..။ ကျွန်တော့်ကို မကြားတကြားလှမ်းပြော နေပါသည်…။ ရင်ထဲမှာ ဟန်ချက်ပျက်နေတာကို မသိမသာထိန်းရင်း ကျွန်တော် အအေးခွက်ကို လှမ်းယူလိုက်ပါတယ် … ထားထား ကတော့ ကျွန်တော်တို့ နှစ်ယောက်ကို မသိမသာ မျက်စောင်းလေးထိုးရင်းနဲ့ … အဲဒီအချိန်မှာ တောင်လေ တစ်ခုက အေးစက်စက် တိုက်ခိုက်ပြီး… မိုးခြိမ်းသံ တချို့ပါ ဆက်တိုက်ကြားလိုက်ရပါတယ် … ထားထားများ မင်းကိုပြုံးပြ သွားသလား မသိဘူး အဲဒါဆို မိုးကြိုးပါ ပစ်လိမ့်မယ်.. ငါလည်း ဝေးဝေးရှောင်မှ … ဝေယံရာ မင်းပါးစပ်ကြီး ငြိမ်ငြိမ် နေစမ်းပါတော့ ငါ့ရင်ထဲမှာ မိုးပြိုတော့မယ်…ဟ။ အေး… အခုတော့ တကယ်မိုးပြိုပြီ .. ဆိုင်းမဆင့် ဗုံမဆင့် မိုးက သည်းသည်းမည်းမည်း ရွာချပါတော့တယ်… ရင်ပြင်ပေါ်က ဘုရားဖူးတွေကော ညောင်ရေသွန်းတဲ့ လူငယ်တွေပါ အကုန်လုံးရွှဲရွှဲစို ကုန်ကြသည်..။ ကဆုန်လပြည့် က မုတ်သုန်ရဲ့ အစောဆုံးကာလလေ ပြီးတော့ မုတ်သုန်ကို ချစ်တဲ့ ကျွန်တော်တို့ အတွက် တစ်နှစ်ပါတ်လုံး အေးမြငြိမ်းချမ်းမယ့် နိမိတ်ပဲပေါ့ … အဲဒါတွေက ယမန်နှစ်က အဖြစ်အပျက်တွေလေ… အခု ကျွန်တော် စီးလာတဲ့ အငှားယာဉ်က ဦးဝိစာရ အ၀ိုင်းကိုပါတ်ပြီး ကန်တော်ကြီးဘက် လှည့်ထွက်လာတော့ ရွှေတိဂုံစေတီတော်ကြီး ကို အတိုင်းသားမြင်နေရပါတယ် …။ ဒီနှစ်ကဆုန်လ ကတော့ အရင်နှစ်တွေက ထက်အပူချိန်တွေမြင့်တက်လို့ …။ ဝေယံက နိုင်ငံခြားမှာမို့ ထားထား မင်္ဂဆောင် ညစာစားပွဲက ကျွန်တော် တစ်ယောက်တည်းပြန်လာခဲ့ရတယ် အခု ကဆုန်လပြည့် မှာ ကျွန်တော်တို့ ဘုရားပေါ်ကို မရောက်ဖြစ်ခဲ့ဘူး…။ နွားသိုးကြိုးပြတ် ကဆုန်မိုးတွေလည်း မရွာတော့ အငှားယာဉ်ပြတင်းပေါက်နေ လေပူတွေ တိုးဝှေ့လာပါတယ် တစ်ဘ၀လုံလုံး ဒီတစ်ရာသီ အပူဆုံးလိုလို ဘာလိုလိုနဲ့…။

မိုးလှိုင်ည

ဧပြီ တစ်ရက်နေ့ မနက် ကိုးနာရီ အချိန်မှာ ကျွန်တော် တို့ RAVEN စေတနာသွေးလှုရှင် အဖွဲ့ဝင်တွေ သင်္ကန်းကျွန်း စံပြဆေးရုံရဲ့ ပင်မဆောင်ထဲက အခန်းတစ်ခန်းထဲကို စုပေါင်း ရောက်ရှိခဲ့ပါတယ်.. ဘာအတွက်လည်း ဆိုတော့ ကျွန်တော်တို့ရဲ့ ပထမအကြိမ် စုပေါင်း သွေးလှုဒါန်းပွဲကို မကြာခင်ပြု လုပ်တော့မှာမို့ မနက် ကိုးနာရီဆယ့်ငါးမိနစ်မှာ ဆေးရုံအုပ်ကြီး ရောက်လာပြီး ကျွန်တော် တို့ကို စုပေါင်းသွေးလှုဒါန်းတဲ့ အတွက်ကျေးဇူးတင်ကြောင်း …နဲ့

သွေးလိုအပ်ချက်ဟာ ဆေးရုံတစ်ရုံ အဓိက အရေးကြီး အချက်တစ်ခုဖြစ်ပြီး သွေးသန့်ရရှိဖို့ လည်း ခဲယဉ်းတဲ့အတွက် အခုလို လူငယ်တွေ အများကြီးကို တစ်စုတစည်းတည်း သွေးလှုဖို့ တွေ့ရတာအတွက် ကျေးဇူးတင်ဝမ်းမြောက်ကြောင်း ပြောကြားပေးခဲ့ပါတယ်… နောက်တစ်ဆက်တည်းမှာပဲ… phathologic

က ဒေါက်တာအေးအေးဝင်း တာဝန်ခံဆရာမ ကလည်း… စေတနာ သွေးလှုရှင်တွေ ဟာ သွေးသန့်ဖို့အရေးကြီးကြောင်း နောက်ပြီး သွေးသန့်ရရှိရေးအတွက်တစ်ကိုယ်ရည် ကျန်းမာရေးစောင့်ရှောက်မှုအတွက် အရေးကြီးတဲ့ အချက်အလက်တွေ ကို ပညာပေးဟောပြောပေးပါတယ်… ကူးစက်ရောဂါများမှကာကွယ်ရန်နှင့် စေတနာသွေးလှုရှင်တွေ လေးလတစ်ကြိမ် သွေးပုံမှန် လှုဒါန်းခြင်း လူနာတွေ နဲ့ ကျန်းမာရေးစောင့်ရှောက်မှု လုပ်ငန်းများကိုပါ ကူညီနေတာ ဖြစ်တဲ့အတွက် လေးစားဂုဏ်ယူမိကြောင်း ကို ဗဟုသုတဖြစ်ဖွယ်.. ရှင်းလင်းပြောပြပေးခဲ့ပါတယ်… ပြီးနောက်တော့ ကျွန်တော်တို့

RAVEN စေတနာသွေးလှုရှင်အဖွဲ့မှ အမှုဆောင် တစ်ဦးဖြစ်တဲ့ ကိုမိုးလှိုင်ည က RAVEN စေတနာသွေးလှုရှ

င်အဖွဲ့ ကို ၂၀၀၆ ခုနှစ်တွင် ကိုဇူလိုင်၊ ကိုရန်နိုင်ဇော်ဦး တိုနဲ့အတူ လူမှုရေးလုပ်ငန်းတွေကို ၀ါသနာပါတဲ့ လူငယ်တစ်စု က စတင်ဖွဲ့စည်းခဲ့ပါတယ်။ဆေးရုံများမှ လူနာများ သွေးလိုအပ်က ဆက်သွယ်တောင်းခံနိုင်ပြီး လူနာများထံသို တိုက်ရိုက်လှုဒါန်းတဲ့ အဖွဲ့ ဖြစ်ပြီး ပြည်တွင်း စေတနာရှင် လူငယ်များဖွဲ့စည်း ထားတဲ သွေးလှုရှင်အသင်းတစ်ခု ဖြစ်ကြောင်း ၂၀၀၈ခုနှစ်မှာ နာဂစ်မုန်တိုင်းသင့် ပြည်သူများကိုလည်း ကူညီဆောင်ရွက်ပေးခဲ့တဲ့ လူမှုကရုဏာလုပ်ငန်းများကို စဉ်ဆက်မပြတ် လုပ်ဆောင်ခဲ့ပါတယ် စဉ်ဆက်မပြတ်လုပ်ခဲ့ပါတယ် အဲဒီ ၂၀၀၈ ခုနှစ်ထဲမှာပဲ နောက်ထပ်အဖွဲ့ ခွဲ တစ်ခုကို သင်္ကန်းကျွန်းမြို့နယ်မှာ ထပ်မံဖွဲ့စည်းပြီး… စံပြဆေးရုံ၊ တောင်ဥက္ကလာပ ဆေးရုံ ၊များသွေးလိုအပ်ချက်များကို ကူညီလှုဒါန်းပေးဖြစ်ခဲ့ပါတယ်… အခုဟာ က စုပေါင်းသွေးလှုဒါန်းပွဲကို ပထမအကြိမ်စုပေါင်းကျင်းပတာဖြစ်ပြီး ပါဝင်ကူညီကြတဲ့ RAVEN စေတနာသွေးလှုရှင်အဖွဲ့မှ လူငယ်များနဲ့ ပါဝင်လှုဒါန်းကြတဲ့ သွေးလှုရှင်များကို အထူးတလည်ကျေးဇူးတင်ကြောင်းနဲ့ နောက်ထပ်လည်း အဆင်ပြေမယ်ဆိုရင် စုပေါင်းသွေးလှုဒါန်းပွဲတွေ ဆက်လက် ပြုလုပ်သွားဖို့ ကြိုးစားသွားမှာဖြစ်ပါတယ်.. အရေးပေါ်သွေးလိုအပ်မှု ရှိရင်လည်း ၂၄ နာရီ ကူညီဆောင်ရွက်ပေး နိုင်ဖို့ ဆက်လက် ကြိုးစားသွားမယ် လို့ ပြောကြားသွားခဲ့ပါတယ်။

မနက် ဆယ်နာရီ ထိုးတဲ့ အချိန်မှတော့ သွေးလှုဒါန်းပွဲ စတင်ပါပြီ.. တာဝန်ခံ ကိုဖြိုးနဲ့ ကိုရဲဟိန်းတို့က သွေးလှုရှင်များကို နာမည် စာရင်းခေါ်ပြီးတော့ ဆယ်ယောက်တစ်သုတ်ဆီ.. သွေးပေါင်ချိန်၊ ကိုယ်အလေးချိန်ချိန်၊ သွေးစစ်ဆေးခြင်းတို့ကို ပြုလုပ်ဆောင်ရွက်ပေးပါတယ်..။ သွေးလှုရှင်များကို လှုဒါန်းခွင့်ရမရ စောင့်ဆိုင်းချိန်မှာ ကော်ဖီနဲ့ ဧည့်ခံကျွေးမွေးပါတယ်.. သွေးလှုဒါန်းခွင့် ရရင်တော့ သွေးလှုဘဏ် သွေးထုတ်ခန်းမှာ သွေးဘဏ်က ဆရာမများနဲ့အတူ… RAVEN စေတနာသွေးလှုရှင်အဖွဲ့မှ ဒေါက်တာ အောင်နိုင်ဦး၊ ဒေါက်တာဟန်ဝင်းအောင် ၊

အမှုဆောင်ကို ဥာဏ်မျိုးအောင် တို့က ကူညီ သွေးထုတ်ယူဖို့ အတွက် ကူညီဆောင်ရွက်ပေးပါတယ်… ကျန်တဲ့ လူငယ်တွေက သွေးလှုရှင်များနေ့လည်စာ ကျွေးမွေးခြင်း လက်ဆောင်ပေးခြင်းနဲ့ … အနားယူရင်း အအေးတွေကို ဝေငှပေးနေတာကိုတွေ့ရပါတယ်.. . သွေးလှုရှင်များထဲမှာ သင်္ကန်းကျွန်းမြိုနယ် RAVEN အဖွဲ့မှ တာဝန်ခံ မအေးအေးသွယ်လည်း ပါဝင်လှုဒါန်းခဲ့ပါတယ်…။

အလှုရှင် အများစုကတော့ ပထမအကြိမ် အလှုရှင်တွေပါ… ကျွန်တော်တို့ စုပေါင်းသွေးလှုဒါန်း ခြင်း အကြောင်းကို ရှင်းပြထားလို့.. ပထမလျာထားတဲ့ အလှုရှင်ထက်ပိုမို များပြားလာတာကို တွေ့ရပါတယ် ထူးထူးခြားခြား မွေးနေ့ရှင် နှစ်ယောက် ပါ ပါဝင်လှုဒါန်းတာကို တွေ့ရပါတယ် သင်္ကန်းကျွန်းမြို့နယ်က ကိုသူရကျော်နဲ့ ကိုဇာနည်တို့ပါ … လို့ တာဝန်ခံ ကိုရဲဟိန်းက ပြောပြပါတယ်…။

သွေးလှုဒါန်းဖို့ ပထမစာရင်း ပေးထားတာ အယောက်သုံးဆယ်ပါ အခမ်းအနားစတော့မှ လှုမယ်ဆိုပြီး ထပ် စာရင်းလာပေးတော့ အားလုံးပေါင်း လေးဆယ့် ရှစ်ယောက်ဖြစ်သွားပါတယ်.. အဲဒီထဲကမှာ A သွေး ဆယ်လုံး၊

B သွေး ဆယ်လုံး၊ AB သွေးတစ်လုံး ၊ O သွေး ဆယ်သုံးလုံး လှုဒါန်းဖြစ်ခဲ့ပါတယ်.. လို့ တာဝန်ခံ ကိုဖြိုးက ပြောပြပါတယ်.. ။

ဧပြီ ၁ရက်နေ့ နေ့လည် ဆယ်နှစ်နာရီခွဲ အချိန်မှာတော့ သွေးလှုဒါန်းပွဲလေး ပြီးဆုံးသွားခဲ့ပါတယ်.. စုပေါင်းသွေးလှု ပွဲမှာ ပါဝင်ကူညီဆောင်ရွက်ပေးခဲ့တဲ့ လူငယ်များနဲ့ စံပြဆေးရုံမှာ သွေးဘဏ် တာဝန်ရှိသူများ စုပေါင်း ဓါတ်ပုံ ရိုက်ခဲ့ကြပြီး… တစ်ယောက်နဲ့ တစ်ယောက်အရူးလုပ်ဆော့ကစားတတ်တဲ့ ဧပြီဖူး နေ့ကလည်း

Raven သွေးလှုရှင်လူငယ်များက ပီတီအပြုံးတွေနဲ့ တည်ကြည် လေးနက်ခဲ့ကြပါတော့တယ်…။

အောင်ပိုင်စိုး

ဒီကနေ့ ဒီဂျစ်တယ် ဘ၀ထဲက လူအဖွဲ့အစည်းကို မြန်နှုန်းမြင့် သယ်ဆောင်ပေးခဲ့တဲ့ တစ်ကိုယ်ရည်သုံး ( Desktop PC ) တွေဟာ ကျေးဇူးရှိခဲ့တာ အမှန်ပါပဲ..။ ဒါဟာ နှစ်ပေါင်းသုံးဆယ် ကျော်ကျော် နည်းပညာ ဇာတ်ခုံပေါ်မှာ ( Desktop PC ) တွေရဲ့ သရုပ်ဆောင်မှုတွေပါပဲ .. ( Desktop PC )တွေကိုယ်တိုင် အမြဲတမ်းဆန်းသစ်နေသလို အပြောင်းအလဲတွေနဲ့ လိုက်လျှောညီထွေ ပြုပြင်ခဲ့ပြီး သူတို့ရဲ့ မော်နီတာ ဖန်သားပြင်တွေ ရှေ့မှာ နေ့စဉ်နေ့တိုင်း လူသန်းပေါင်းများစွာကို နာရီပေါင်းများစွာ ဆွဲဆောင်ထားနိုင်ခဲ့ပါတယ်

( Desktop PC ) က အကျိုးအမြတ် အများကြီးပေးပြီး အပြောင်းအလဲ တွေကို အများကြီး ဖန်တီး ပေးခဲ့ပြီးပါပြီ…။ ဒါပေမယ့် ဒီကနေ့မှာတော့ ( Desktop PC )တွေရှေ့ကနေ လူတွေကို ထပြီးလမ်းလျှောက်ထွက်ဖို့ အချက်ပေးသံတွေဟာ သံပြိုင်ထွက်ပေါ်လာနေပါပြီ…။

အဲဒီလိုဖြစ်နိုင်ဖို့ အဓိက ပံ့ပိုးတွန်းအားပေးနေတာက အင်တာနက်ချိတ်ဆက်နိုင်တဲ့ ကြိုးမဲ့ကွန်ရက် စနစ်တွေ ပိုမို များပြားလာတာပါပဲ…။ လက်ကိုင်ဖုန်း တတိယမျိုးဆက်၊ Note Book၊ Net Bookတွေ ၊ Iphone နဲ့ Ipod ၊ PSP စတဲ့ ကြိုးမဲ့ကွန်ယက် ချိတ်ဆက်နိုင်တဲ့ ဒီဂျစ်တယ် အသုံးအဆောင်ပစ္စည်းတွေဟာ Facebook ၊ twitter လိုမျိုး Micro bloging ပလက်ဖောင်းတွေ အားကောင်းမောင်းသန် ပေါင်းစပ်လာပြီး ( Desktop PC ) ရှေ့က လူငယ်တွေ အနေနဲ့ လက်ဖက်ရည်ဆိုင်၊ ကော်ဖီဆိုင်၊ ပန်းခြံတွေ၊ တက္ကသိုလ် စာသင်ခန်းတွေကနေ အွန်လိုင်းပေါ်တက်ရောက်နိုင်ပြီ ဖြစ်ပါတယ်…။ ဒါဟာ လူသန်းပေါင်းမျာစွာ ပါဝင်စွဲလန်းနေရတဲ့ virtual world အွန်လိုင်း ကမ္ဘာထဲက တော်လှန်ပြောင်းလဲမှု တစ်ရပ်ပါပဲ… အရင်တုန်းကလို ခြေထောက်တွေ သွေးကျအောင် ဒါမှမဟုတ် ခါးတွေ ဇက်ကြောတွေ တောင့်တင်းခိုင်မာအောင် ( Desktop PC ) ရှေ့မှာ ငုတ်တုတ်ထိုင်နေစရာ မလိုတော့ပါဘူး…။ ဒါဟာ လူမှုဘ၀အတွက် အပြုအမူသစ်တွေ ဖြစ်ထွန်းပေါ်ပေါက်မယ့် ရှေ့ပြေးနိမိတ်တွေလည်း ဖြစ်ပါတယ်..။ အစည်းအဝေးခန်းထဲမှာ search engine အသုံးပြုလို့ ရနိုင်မှာ ဖြစ်သလို အပြေးလေ့ကျင်ရင်းနဲ့လည်း Twitter မှာ

တွစ် လုပ်လို့ရနိုင်ပါတယ် ဂေါက်ရိုက်ရင်း facebook မှာရှယ်ယာလုပ်နိုင်သလို ဘတ်စ်ကား

စီးရင်းလည်း chatting ၀င်နေလို့ရပါတယ် အဲဒီလို တစ်ကယ်ဖြစ်လာရင် အိပ်ခန်းထဲက ပီစီကို

ဘယ်နေရာ ရွေ့ထားရမလည်း ဆိုတာ ကျွန်တော်တို့အားလုံး ခေါင်းစားရမယ့် ပြဿနာ ဖြစ်လာနေပါပြီ…။

သေးငယ်ပြီး အစွမ်းထက်လွန်းတဲ့ နည်းပညာဟာ ကျွန်တော်တို့ ရဲ့ လူနေမှုဘ၀တွေကို အမြဲတစေ ပြောင်းလဲပစ်ဖို့ ကြိုးစားနေပါတယ်…။ သူတို့က နည်းပညာအချင်းချင်းလည်း အိုမင်းမစွမ်းဖြစ်အောင် လုပ်တတ်ပါတယ် ။ နောက်ဆုံးတော့ စွမ်းရည်ထက်မြက်ပြီး ပြင်လွယ်ပြောင်းလွယ်နိုင်တဲ့ နည်းပညာတွေက အသာစီး ရတတ်ကြပါတယ် .. အခုလည်း နှစ်ပေါင်း သုံးဆယ်ကျော်… နည်းပညာအခန်းကဏ္ဍမှာ သက်တမ်းရှည်ခဲ့တဲ့ Desktop PC တွေရဲ့ နိဂုံးကို လွယ်လွယ်ကူကူ အဆုံးသတ်ပေးဖို့တော့ မဖြစ်နိုင်သေးပါဘူး…။ စီးပွားရေး လုပ်ငန်းတွေနဲ့ အစိုးရရုံးတွေထဲမှာတော့ Desktop PC တွေဟာ သပ်သပ်ရပ်ရပ် ခန့်ခန့်ထည်ထည် ရှိနေနိုင်ဦးမှာပါပဲ… ဒါပေမယ့် Desktop PC တွေက သူတို့ရဲ့ အနာဂါတ် ကိုတော့ အကြီးအကျယ် မျှော်လင့်ထားလို့ မရပါဘူး Search Engine ထည့်သွင်းထားတဲ့ မိုိုဘိုင်းဖုန်းတွေ … သေးငယ်ပေါ့ပါးပြီး အစွမ်းထက်လွန်းတဲ့ Netbook တွေရဲ့ အခန်းကဏ္ဍက လည်း ပိုမိုကျယ်ပြန့်လာတယ်.. အနာဂါတ်မှာ အွန်လိုင်းချိတ်ဆက်နိုင်တဲ့ E Reader တွေရဲ့ စွမ်းပကားနဲ့ ပိုမိုကျယ်ပြန့်လာတဲ့ ကြိုးမဲ့ကွန်ယက်စနစ်တွေ လူဦးရေထူထပ်မှုနှုန်း.. လူဦးရေးထူထပ်မှုနှုန်းကို အင်တာနက် ကွန်ယက် Bandwith အကျယ်နဲ့ တွက်ချက်ရမယ့် အချိုးညွှန်ကိန်းတွေ ပေါ်ထွက် လာပါလိမ့်မယ်… အဲဒီအချိန်မှာ အိမ်ခန်းတိုင်းမှာ Desktop PC တစ်လုံးရောင်းချမယ် ဆိုတဲ့ စိတ်ကူမျိုး ရှိခဲ့ရင် စွန်လွှတ်လိုက်ဖို့ အချိန်ကောင်းပါပဲ..။ အိုင်စီတီခေတ် မှာတော့ ကြိုးမဲ့ကွန်ယက်နဲ့ ရွှေ့ပြောင်းလွယ်တဲ့ ဒီဂျစ်တယ်လူသုံးကုန်တွေဟာ လူကြိုက်များမှု အများဆုံးဖြစ်နေပါတယ်… web 2.0 ပလက်ဖောင်းတွေ ဖြစ်တဲ့ social network တွေ micro bloging တွေကလည်း ကြိုးမဲ့ကွန်ယက်နဲ့ ဒီဂျစ်တယ် လက်ကိုင် လူသုံးကုန်တွေနဲ့ ပေါင်းစပ်ဖို့ အပြင်းအထန်ကြိုးစားနေပါတယ်…။

ဒီအတိုင်းဆို တတိယ ထောင်စုနှစ်ရဲ့ ဒုတိယဆယ်စုနှစ်မှာ ကျွန်တော်တို့အားလုံး လူမှုဘ၀အသစ်တွေ အတွက် အပြုအမှုပုံစံသစ်တွေကို ပြင်ဆင်ရလိမ့်မယ် … ဒါမှမဟုတ် လက်ခံရရှိနိုင်ရပါတော့မယ်.. ကားမောင်းရင် တွစ်တာ မသုံးရ၊ အများသုံးဘတ်စ်ကားပေါ်မှာ အသံနဲ့ မချက်ပါနဲ့… (စပယ်ယာ အော်ခံထိလ်ိမ့်မယ်) လမ်းလျှောက်ရင်း မာဖီးယားမဆော့ပါနဲ့

မီပွိုင့် ကွန်ယက်စနစ်တွေကို နှောင့်ယှက်ခြင်းမပြုပါနဲ့ ပြင်းထန်စွာ အရေးယူခြင်းခံရမည်…။

ကျွန်တော်တို့ Desktop PC ရှေ့က လမ်းလျှောက်ထွက်လာမယ့် ဆယ်စုသစ်မှာတော့ အတွေ့အကြုံဆန်းတွေ မုချကြုံရပေလိမ့်မည်…။

အောင်ပိုင်စိုး