ဒီတစ်ပါတ်တော့ ကျွန်တော်လည်း ခေတ်မှီမှီ ဆီးဂိမ်းအကြောင်းလေး
ရေးချင်တဲ့ အာသီသဖြစ်လာပါတယ်။ အမှန်တော့ ကျွန်တော် ဆီးဂိမ်းကို သိပ်စိတ်မ၀င်စားပါ။
ဘာကြောင့်လည်း ဆိုတော့ ကျွန်တော်တို့ပြုပြင်ပြောင်းလဲရေး လုပ်ငန်းစဉ်တွေထဲမှာ ပြည်သူပါဝင်နိုင်တဲ့
အစိုးရဖြစ်ဖို့။ ကောင်းမွန်သောအစိုးရ သန့်ရှင်းသောအစိုးရ ပြည်သူဗဟိုပြုအစိုးရ ဖြစ်ဖို့
ပြုပြင်ပြောင်းလဲရေးများ၊ နောက်ပြန်ဆွဲတရွတ်တိုက် အခက်အခဲတွေ၊ စိန်ခေါ်မှုအသစ်တွေ ဓလေ့အမူအကျင့်ဆိုင်ရာ
အစွဲချွတ်ရမှာတွေနဲ့ အများကြီးမို့ နိုင်ငံတွင်းမှာ ရှိတဲ့လူတိုင်းလူတိုင်းရဲ့ စိတ်အခြေအနေတွေ
ဒီမိုကရေစီနဲ့ အံဝင်ဖို့အတွက် လုပ်ဆောင်စရာတွေ အများကြီးထဲမှာမှ ဆီဂိမ်းစ်လို့ ဒေသဆိုင်ရာ
အားကစားပွဲတော်လေးကို စိတ်မရောက်ဖြစ်ပါဘူး။ နောက်ပြီး အာဆီယံက အားကစားအဆင့်အတန်းဟာ
ကမ္ဘာအားကစားအဆင့်အတန်းကို မဆိုထားနဲ့ အာရှအဆင့်မှာတောင် လွှမ်းမိုးမှုသိပ်မရှိပါ။ ဒါကလည်း
အကြောင်းအမျိုးမျိုးရှိပါလိမ့်မည်။ ဒါပေမယ့် အာဆီယံနိုင်ငံတွေဟာ အချင်းချင်း လှည့်ပါတ်ပြိုင်နေတာနဲ့ပဲ…
အာဆီယံဥခွံ့ထဲက ရုန်းမထွက်နိုင်ဖြစ်နေခဲ့ပါတယ်။
ကျွန်တော်တို့ နိုင်ငံဖြစ်ရပ်တွေကတော့ အခြားအာဆီယံနိုင်ငံတွေနဲ့
နည်းနည်းကွဲပြားပါတယ်။ ကျွန်တော်တို့က ရွှေရောင်အတိတ်ကနေ ပစ္စပ္ပုန် ဗလာကောင်ဘ၀ကို ခုန်ချလာခဲ့တာဖြစ်ပါတယ်။
မြန်မာတွေဟာ တစ်ချိန်ကတော့ အာရှမှာပါ ဦးဆောင်လွှမ်းမိုးခဲ့ပြီး ဒီနေ့တော့ အာရှရဲ့ ခေတ်အနောက်ကျဆုံး
ပညာအနည်းဆုံး နိုင်ငံဖြစ်နေခဲ့ပါပြီ။ အာဏာရှင်စနစ်ဆိုးတွေနဲ့ တိုင်းပြည်ဟာ လွဲမှားတဲ့စီမံခန့်ခွဲမှုတွေကြောင့်
ကိုယ့်ဥခွံ့ကျဉ်းကျဉ်းလေးထဲမှာပဲ ၀ါးလုံးခေါင်းထဲ လသာနေခဲ့ပါတယ်။ ကျွန်တော်သူငယ်ချင်း
တစ်ယောက်ကပြောဖူးပါတယ် မင်းတို့ကလည်းကွာ ၀ါးလုံးခေါင်းထဲ သာတဲ့လလင်းပါတယ်လို့။ ကိုယ့်အမြင်နဲ့
ကိုယ်တော့လင်းနေတာပါပဲ။ ဒါပေမယ့် သြကာသလောကကြီးနဲ့ယှဉ်တော့ ကိုယ့်အလင်းဟာ ကိုယ့်ကိုယ့်တောင်
အမှန်မမြင်နိုင်ဘူးထင်တာပဲ။ အဲဒီလိုနဲ့ အထွေထွေ နိုင်ငံရေးအကျပ်အတည်း တွေကြားမှာ မြန်မာ့အားကစားကကော
ဘာသားနဲ့ထုထားတာမို့လည်း… သူလည်းကျွဲကူးရေပါ နိမ့်ကျလာရတာပဲပေါ့။
ကျွန်တော်တို့ သမိုင်းတစ်လျှောက်လုံး ကျွန်တော်တို့ဟာ အရှုံးကိုသင်ခန်းစာယူဖို့
ဝန်လေးခဲ့တဲ့လူမျိုးပါ။ ကျွန်တော်တို့ဟာ ပြိုင်ဘက်တွေကို ဘယ်တော့မှ အလေးမထားသလို အမြဲတမ်းလျှော့တွက်ခဲ့ကြပါတယ်။
အဲဒါကြောင့်လည်း သမိုင်းတစ်လျှောက်မဆုံးရှုံးသင့်ပဲ ဆုံးရှုံးခဲ့ရတာအများအပြားပါ။ ဒီမိုကရေစီ
ပြုပြင်ပြောင်းလဲမှုများနဲ့ နိုင်ငံတကာနဲ့ ပြန်လည်ဆက်သွယ်ဆက်ဆံရေး ကောင်းမွန်လာတဲ့ အချိန်နဲ့ပဲ
တိုက်တိုက်တိုက်ဆိုင်ဆိုင် အာဆီယံ ဥက္ကဠရာထူးနဲ့ နှစ်ပေါင်းများစွာ လက်ခံမကျင်းပနိုင်ခဲ့တဲ့
အာဆီယံနိုင်ငံများရဲ့ အကြီးအကျယ်ဆုံး အားကစားပြိုင်ပွဲ ဆီးဂိမ်းကိုကျွန်တော်တို့ နိုင်ငံလက်ခံကျင်းပခွင့်
ရခဲ့ပါတယ်။ ပထ၀ီနိုင်ငံရေးအရ ပြန်လည်အရေးပါလာတဲ့ မြန်မာနိုင်ငံကို အထီးကျန်ခေတ်နောက်ကျ
နိုင်ငံအဖြစ် ကမ္ဘာကတစ်သီတစ်ခြားမဆက်ဆံ လိုတော့ပါဘူး။ ဈေးကွက်စီးပွားရေး အရဈေးကွက်အသစ်စက်စက်
အနေအထားကြီးလက်မလွှတ်နိုင်တဲ့ နိုင်ငံတကာအသိုင်းအ၀ိုင်းဟာ လူဝင်ဆံ့ချင်နေတဲ့ မြန်မာခေါင်းဆောင်တွေကို
လွယ်ကူသက်သာစွာနဲ့ပဲ စည်းရုံးနိုင်ခဲ့တယ်။ ကမ္ဘာ့စီးပွားရေးဖိုရမ်လိုမျိုး နေပြည်တော်လွင်တီး
ခေါင်မှာ ကျင်းပနိုင်ခဲ့တာမျိုးပါ။ အခုလည်း ဆီးဂိမ်းစ်ကို ခမ်းခမ်းနားနား စည်စည်ကားကား
တရုတ်ပြည်အကူအညီနဲ့ ဖွင့်လှစ်နိုင်ခဲ့ပါတယ်။ မြန်မာတွေအနေနဲ့ မခမ်းနားခဲ့တာကတော့ ပြိုင်ပွဲရလဒ်တွေပါပဲ။
မြန်မာဟာ အရှေ့တောင်အာရှပွဲတွေမှာ ရွှေတံဆိပ်အများဆုံးမရခဲ့သလို ယခုအိမ်ရှင်အဖြစ်လက်ခံ
ကျင်းပတဲ့အခါမှာလည်း အဲဒီစံချိန်ကို ရိုးရာမပျက်ထိန်းသိမ်းထားခဲ့ပါတယ်။ နောက်တစ်ခု
ထပ်ဆိုးတာက မြန်မာဘောလုံးအသင်းပါ။ မြန်မာတွေဟာ ဘောလုံးကို အရှေ့တောင်အာရှ နိုင်ငံတွေထဲမှာ
အဆင့်အမြင့်ဆုံးကန်နိုင်ခဲ့တဲ့ တစ်ခုတည်းသော နိုင်ငံပါ။ အာရှအဆင့်မှာ ဒိတ်ဒိတ်ကျဲမြန်မာဘောလုံးအသင်းဟာ
ဒီနေ့မှာတော့ ဒေသတွင်းမှာတောင် အဆင့်နိမ့်ဆုံးနိုင်ငံစာရင်းထဲ ရောက်နေပါတယ်။ ယခင် မြန်မာနဲ့ပြိုင်ဘက်တွေ
ဖြစ်တဲ့ တောင်ကိုရီးယား၊ အီရန်လို နိုင်ငံတွေတောင် ကမ္ဘာဖလားအုပ်စုအဆင့်ထိ ၀င်ရောက်ယှဉ်ပြိုင်နေနိုင်ပြီဖြစ်နေပေမယ့်။
ဒီနေ့မြန်မာကတော့ ဒေသတွင်း ပြိုင်ပွဲတွေမှာ အသည်းအသန်ရုန်းကန်နေရဆဲပါ။
ပြီးခဲ့တဲ့နေ့တွေက မြန်မာဘောလုံးအသင်းရဲ့ သမိုင်းတွင်ဖွယ်အရှုံးရလဒ်တွေနဲ့
ရင်ဆိုင်ခဲ့ရပါတယ်။ နှစ်ပေါင်းသုံးဆယ် ကျော်အနိုင်မရခဲ့တဲ့ ထိုင်းအသင်းကို မိမိအိမ်ကွင်း
မိမိပရိတ်သတ်ရှေ့မှာ တစ်မှတ်ခွဲဝေယူပြနိုင်တာကို ၀င့်ကြွားလို့ မဆုံးနိုင်သေးခင်မှာပဲ
ဆီးမီးဖိုင်နယ်တက်ဖို့ အရေးကြီးတဲ့ အင်ဒိုနီးရှားနဲ့ပွဲကို ရှုံးနိမ့်ခဲ့ပြီး။ နည်းပြချုပ်ရဲ့
တာဝန်ယူမှုကင်းမဲ့စွာ ပြိုင်ပွဲစည်းမျဉ်းစည်းကမ်းတွေကို မသိလို့ပါ ဆိုတဲ့စကားနဲ့တင်
ပွဲပြီးမီးသေဖြစ်ခဲ့ရပါတယ်။ ဒါပေမယ့် အဲဒီမီးက ဆိုင်းဘုတ်တွေ တက်လောင် အကျီတွေချွတ်ရှို့နဲ့
မြန်မာပရိတ်သတ်အတွက် ရင်နာမှာသိလျက်နဲ့ ဒီတစ်ခါများနိုင်မှာ လေလားမျှော်လင့်ချက်နဲ့
အားပေးမှုမလျော့ခဲ့ပေမယ့် နောက်တော့လည်း ဒုံရင်းအတိုင်းရင်ကွဲရတာ ပဲ အဖတ်တင် ကျန်ခဲ့ပါတော့တယ်။
မြန်မာ့အမျိုးသား ဘောလုံးအသင်းနဲ့ ဘောလုံးအဖွဲ့ချုပ်ဟာ တိုင်းပြည်ရဲ့ပိုက်ဆံတွေ ပြည်သူ့ဘဏ္ဍာတွေကို
နှစ်ပေါင်းများစွာဖြုန်းတီးပစ်ခဲ့တဲ့ သုံးစားမရတဲ့အဖွဲ့အစည်း တစ်ခုပါပဲ..။ တကယ်နုတ်
ထွက်သင့်တာက အားကစားဝန်ကြီးနဲ့ ဘောလုံးအဖွဲ့ချုပ် ဥက္ကဠကိုယ်တိုင်ပါပဲ။ ဒါပေမယ့်လည်း
ဘယ်တော့မှ နုတ်ထွက်မယ့် ပုံစံလည်းမမြင်ပါဘူး ..။ မြန်မာတွေ ဘောလုံးမကန်တတ်လို့ ရှုံးတာမဟုတ်ပါဘူး
..။ မကန်တတ်တဲ့ လူတွေ ကွင်းထဲရောက်နေလို့ ရှုံးရတာပါ။ လက်ရွေးစင်ကို ဘယ်ကဘယ်သူတွေကို
ဘယ်လိုရွေးမှန်းဘယ်တော့မှ မသိရတတ်တဲ့ မြန်မာ့လက်ရွေးစင်အသင်းဟာ ဘယ်တော့မှ အောင်ပွဲမရတာတော့
မထူးဆန်းပါဘူး။ ရပ်ကွက်အောက်ခြေအဆင့် ကျောင်းသားအဆင့်အထိ ပြိုင်ပွဲတွေမရှိပဲ ပီပြင်တဲ့ကြေးစားစနစ်မရှိပဲနဲ့
..။ အဂတိလိုက်စားမှုတွေနဲ့ မြန်မာဘောလုံးဟာ အရှုံးသံသရာတွေထဲမှာ ၀ဲလည်နေဦးမှာပါ။
အရှုံးထဲက အနိုင်ဆိုလို့ အမျိုးသမီးဘောလုံးအသင်းပါပဲ ဒီအသင်းကတော့
ဆီးမီးဖိုင်နယ်မှာ ပြိုင်ဘက်ထိုင်း အသင်းကို ခက်ခက်ခဲခဲ ရေကုန်ရေခန်းယှဉ်ပြိုင်ပြီး
ပယ်နတီအဆုံးအဖြတ်နဲ့ ရှုံးနိမ့်ခဲ့ပါတယ်။ ရှုံးတာချင်းတူတာတောင် ရေကုန်ရေခန်း အားကြိုးမာန်တက်
ကစားခဲ့လို့ အမျိုးသမီးအသင်းကို ပရိတ်သတ်အနေနဲ့ အပြည့်အ၀ချစ်ခင်ကြပါတယ်။ တတိယနေရာ လုပွဲမှာလည်း
ပြိုင်ဘက်မလေးရှားအသင်းကို ပွဲပြီးချိန်အထိ မနားတမ်းဂိုးတရစပ်သွင်းပြီး ကစားခဲ့ပြီး
တတိယကြေးတံဆိပ်ရယူခဲ့ပါတယ်။ တစ်နိုင်ငံလုံးရဲ့ အသည်းနှလုံးအဖြစ် အမျိုးသမီးဘောလုံးအသင်းဟာ
အောင်ပွဲခံခဲ့ပါတယ်။ ဘောလုံးပွဲဟာ နိုင်နိုင် ရှုံးရှုံး အရေးမကြီးပေမယ့် … ပေးထားချက်နဲ့
မညီမျှ အားကြိုးမာန်တက်မရှိ လှဘူးဆိုရင်တော့ အားပေးတဲ့ပရိတ်သတ်ကို စော်ကားတာနဲ့ အတူတူပါပဲ။
ဒီဆီးဂိမ်းပြိုင်ပွဲကြီးဟာ သမ္မတကြီး လစာနဲ့ ကျင်းပတာမဟုတ်သလို၊ လွှတ်တော်ဥက္ကဠတွေ လွှတ်တော်အမတ်တွေ၊
ဝန်ကြီးတွေရဲ့ လစာနဲ့ ကျင်းပတာလည်း မဟုတ်ပါဘူး။ ဆီးဂိမ်းတစ်ခုလုံးရဲ့ ကုန်ကျစရိတ် ဆီးဂိမ်းစ်ရဲ့
အသုံးပြုတဲ့ငွေစာရင်းဟာ ပြည်သူဘဏ္ဍာ ပြည်သူ့အိတ်ကပ် ထဲကပဲ ကုန်ကျရတာပါ..။ အဲဒါကြောင့်
ဆီးဂိမ်းမအောင်မြင်တာ ဆင်းရဲတဲ့ပြည်သူလူထုရဲ့ ပိုက်ဆံတွေ လွှင့်ပစ်လိုက်တာပါပဲ။ အဲဒီအတွက်အစိုးရ
ဝန်ကြီးတွေနဲ့ တာဝန်ရှိသူတွေက ဘယ်လိုများတာဝန်ယူပေးမှာလည်း။ ပြည်သူတွေကိုယ်စား ကျွန်တော်တို့ကို
ဖြစ်နိုင်ရင်ဖြေကြားပေးစေလိုပါတယ်။ ပြီးတာတွေ ပြီးပါစေ သင်ပုန်းတွေပဲ ချေလိုက်ရမှာပဲလား…။
ပညာရေး ကျန်းမာရေး လူနေထိုင်မှုအဆင့်အတန်း လုပ်ခလစာအနိမ့်ဆုံး ဖြစ်နေတဲ့ နိုင်ငံအတွက်
အစိုးရမင်းများ အနာဂါတ်ကာလမှာ အသိတရားရပါစေလို့ပဲ ဆုတောင်းလိုက်ပါတယ်။
အောင်ပိုင်စိုး