ခင်မင်လေးစားရတဲ့ ကိုလင်းဦး(စိတ်ပညာ)က တက်ပ်ပါတယ် ၀ါသနာပါရာဆိုတဲ့ခေါင်းစဉ်နဲ့
လူတိုင်းမှာ သာမာန်ထက်ပိုစိတ်ဝင်စားမိတဲ့ အသက်မွေးဝမ်းကျောင်းမဟုတ်တဲ့ အလုပ်တွေရှိနေတတ်ပါတယ် အဲဒီအလုပ်ကို ဘာအတွက်မှမရည်ရွယ်ပဲ လုပ်မိတတ်သလို ရည်ရွယ်ချက်ကြီးကြီးမားမားနဲ့ လုပ်တတ်တဲ့လူတွေလည်းရှိပါတယ် အဲဒါကို ၀ါသနာ လိုများအကြမ်းဖျင်းကောက်ယူလို့ ရနိုင်မလားမသိဘူး ကျွန်တော်က ဆွေးနွေးငြင်းခုန်ရတာကို သဘောကျတဲ့ အလေ့အထ ရှိပါတယ် အဖြစ်အပျက် တွေရဲ့ အကြောင်းခြင်းရာကို လေ့လာရတယ်ခွဲခြမ်း စိတ်ဖြာရတာကို သဘောကျတယ်… အဲဒီလိုနဲ့ ကျွန်တော်ဟာ မိသားစု
သူငယ်ချင်းအပေါင်းအသင်းတွေ ကြားမှာအငြင်းသန်သူဖြစ်လာပါတယ် အဲဒီအချိန်အထိ ကျွန်တော့် ၀ါသနာကို ကျွန်တော် သေချာအကဲမခတ်မိသေးပါဘူး ….။ အငြင်းသန်တဲ့အတွက်ပုံမှန်အားဖြင့် အလွယ်တကူ လက်ခံလိုက်ရမယ့်ကိစ္စတွေ ခွဲခြမ်းစိတ်ဖြာဖို့ လိုအပ်ကောင်းလိုအပ် နေပေမယ့် အများစုက ဂရုစိုက် စဉ်းစားမနေတဲ့ကိစ္စတွေကို တစ်ယောက်တည်း စဉ်းစားတွေးတောရင်း အဖြေမရတဲ့အခါ ဒါမှမဟုတ် အဖြေရတဲ့အခါ နီးစပ်ရာလူတွေကို လျှောက်ပြောတတ်တဲ့အတွက် တစ်ခါတစ်လေမှာ အများနဲ့ ဆန့်ကျင်ဘက်တွေ ဖြစ်ဖြစ်လာတတ်တယ်..။ အဲဒီလို့နဲ့ တဖြည်းဖြည်း ဆွေးနွေးဖက် ရှားပါးလာတဲ့ အခါ ကျွန်တော်စာတွေပိုဖတ်ဖြစ်လာတယ် စာအုပ်တွေက ကျွန်တော်အဖော်တွေ ဖြစ်ဖြစ်လာပါတယ်… ။ ကျွန်တော်ကို ဘယ်တော့မှ စိတ်မဆိုးတဲ့ စာအုပ်တွေက ကျွန်တော်အဖော်တွေပါပဲ… သူတို့ကပဲ ကျွန်တော်ကို အနုပညာတွေ အတွေးအခေါ်တွေ ကမ္ဘာကြီးအကြောင်း လူတွေအကြောင်းကို သေသေချာချာ ရှင်းပြပါတယ်ကျွန်တော် စာဖတ်ခြင
်း အလေ့အထကို စွဲလန်းသွားပါတယ်…။ ဗိုက်ဆာတဲ့အချိန် ထမင်းမစားပဲ နေနိုင်ပေမယ့် ဖတ်စရာ စာအုပ်မရှိတဲ့အချိန်ကို ကျွန်တော်မနေနိုင်တော့ပါဘူး စာငတ်တဲ့ဝေဒနာဟာအစာငတ်တဲ့ ဝေဒနာထက် ကျွန်တော့်အတွက် ပိုခံစားရခက်နေပါတယ်။ကျွန်တော်စာဖတ်နေရင်းနဲ့ တစ်ခါတစ်လေ စိတ်ထဲဝင်ရောက်လာတဲ့ စာတချို့ကို ကျွန်တော်ရေးခြစ်မိလာတယ်..။ တချို့စာတွေကို မဂ္ဂဇင်း၊ ဂျာနယ်တွေကို ပေးပို့ခဲ့ပြီး တချို့စာတွေ ကိုတော့ ဒိုင်ယာရီစာအုပ်လေးထဲမှာပဲ သိမ်းဆည်းထားခဲ့ပါတယ်..။ ငယ်ငယ်က စိတ်ကူးအိပ်မက် ထဲမှာတော့ ကျွန်တော်ဟာ တရားမျှတတဲ့ရှေ့နေ တစ်ယောက်လုပ်မယ်လို့မျှော်လင့်ချက်ထားခဲ့ဖူးတယ်ဒါပေမယ့် ကျွန်တော်ရှေ့နေတစ်ယောက်အဖြစ်ကို ဒီနေ့အထိရောက်မလာခဲ့သေးပါဘူးတစ်ခါတစ်လေ သူငယ်ချင်းရှေ့နေတွေနဲ့ တရားရုံးဘေးက လက်ဘက်ရည်ဆိုင်တွေမှာ ဥပဒေပညာရပ်တွေအကြေ
ာင်း စိတ်ဝင်တစားဆွေးနွေး တတ်ပေမယ့် ကျွန်တော် ရှေ့နေတစ်ယောက်လုပ်ချင်တဲ့ စိတ်ကူးကိုတော့ ဆိုင်းငံ့ထားခဲ့ပါတယ် …။ ဘလော့လေးရေးဖြစ် တဲ့အခါကျတော့ စိတ်ကူးသီတဲ့ စကားလုံးလေးတွေကို အင်တာနက်စာမျက်နှာတွေပေါ် တင်လာခဲ့မိပါတယ်..။ လတ်တလောအခြေအနေ အရကော ထာဝရအတွက်ပါ သေချာနေမယ့် ကျွန်တော်ဝါသနာက စာရေးစာဖတ်ဖြစ်နေပါလိမ်မယ့် …. ဘာကြောင့် အဲဒီလိုပြောနိုင်လည်းဆိုတော့ စာအုပ်တစ်အုပ် လက်ဖက်ရည်တစ်ခွက် စီးကရက်တစ်ပွဲ ရှိနေရင် ကျွန်တော်ကျေနပ်နှစ်သိမ့်နိုင်လို့ပါ အဲဒီထက်ပိုကြွယ်ဝလာတဲ့အခါ ဘောပင်တစ်ချောင်း စက္ကူအလွတ် တချို့ပါရနေရင်တော့ ….။ကျွန်တော်ဝါသနာ ကို အပြည့်အ၀အကောင်အထည်ဖော်နိုင်ပါပြီ…..။အခုလို ကိုယ့်ဝါသနာပါတဲ့ အကြောင်းလေး ပြောပြခွင့်ရတဲ့ အတွက် ကိုလင်ဦး (စိတ်ပညာ)ကိုကျေးဇူးတင်ရှိပြီး အခုတက်ဂ် ဂိမ်းလေးကို ကျွန်တော်ခင်မင်ရတဲ့
၁။ ကိုဖိုးသူတော် နဲ့
၂။ ကိုသုခမိန် ( E-Journal) တို့ဆီလက်ဆင့်ကမ်းပေးလိုက်ချင်ပါတယ်… ။
ခင်မင်စွာဖြင့်
အောင်ပိုင်စိုး
ဓါတ်ပုံ - Google Image